Economista Ben Marapin: Aruba a pasa door di pandemia tur caminda ta lesa con bon Aruba ta bayendo, e pregunta ta keda dicon ta busca mas placa

Aruba a pasa den situacionnan basta pisa economicamente. Actualmente mes tin discusionnan andando riba e nivel economico y fiscal di Aruba. Sinembargo EA News a combersa cu economista Ben Marapin y ta duna di conoce cu na Aruba a surgi un situacion unda cu ta necesario pa bin cu pasonan drastico na momento cu COVID a presenta. 

Segun Economista Ben Marapin nos gobernantenan ta haci dos cos, uno ta neglisha loke cu mester wordo haci, dus no ta  saneando e situacion cu  ta hopi serio, unda cu no tin entrada, esaki ta un di e puntonan cu no a wordo haci. E di dos punto ta cu gobierno por hisa entrada adicional y si mester analisa ta pa kico ta busca entrada adicional e pregunta ta sali ta pa kico mester di hopi placa. 

Segun Economista Ben Marapin Aruba a pasa door di e pandemia tur caminda ta lesa con bon Aruba ta bayendo, y e pregunta ta keda ta pa kico ta busca mas placa. Sinembargo gobierno ta papia di BBO na frontera como un medida fiscal  y ta expresa cu e lo no hisa e peso debi cu e comerciantenan por registre. Loke cu economista Ben Marapin ta spera y cu gobierno por logra ta por logra haya e BBO cu antes no tabata cobra of no por haya esaki debi di negoshinan ilegal unda cu comerciantenan no tabata declara cuanto nan tabata haya di nan compra cu nan ta haci den exterior y bende nan na e consumido aki na ARuba, esaki ta un parti bon unda cu gobierno a vocifera cu nan lo por haya 40 miyon e aña aki y anual nan ta spera 80 miyon. 

Na mes momento  economista Ben Marapin ta reacciona cu si comerciante contribui cu 80 miyon extra den caha di gobierno via BBO, esey ta significa cu automaticamente tin cu cobra consumidor, e comerciantenan no ta bay sake di nan saco. 

Na final mes un cos cu BBO a pasa over pa comerciantenan unda cu si nan mester paga extra pa fleta e ora lo pasa esaki  tambe pa e consumidornan. Economista Ben Maripen ta kere cu gobierno mester por compronde cu tin impacto riba prijs. 

Sinembargo e pregunta ta keda cu si e economia ta drey asina bon unda cu tin entrada extra caba, dicon tin mester di hopi mas entrada cu ta e 80 miyon acerca. Loke cu mester ta bon cla cu no por ta contra pa e comerciantenan sector priva paga loke e debe, sigur nan mester paga, pero na final cuanto gobierno a haya na entrada wak pa esey no keda malgasta.

Segun economista Ben Marapin su medio ta cu gobierno ta haya extra placa y e lo wordo gasta na mal cosnan cu y e pregunta ta keda pero dicon. E conseho ta keda miho pa cobre y reduci di otro banda pa baha e peso riba comunidad pa asina alivia di un banda , pero actualmente ta poniendo mas peso riba comunidad unda cu prijsnan ta bay subi. 

Segun economista Ben Marapin di otro banda mester neutralisa y duna compensacion na comunidad, sea ta door di baha otro impuesto manera invoerrechtten of accijns of belasting indirecto inkomstenbelasting, esaki tur ta pa neutrolisa. 

Si tabata un actuacion cu ta un sistema di un buged neutral unda cu gobierno ta haya 80 miyon adicional y di otro banda ta compensa esey y duna bek na comunidad sigur lo aplaudi e parti aki, pero na mes momento tin un temor pa gobierno afecta unda cu prijsnan lo subi y e entrada extra cu gobierno ta bay haya tin un temor cu e ta bay wordo gasta na cosnan cu eingelijk no mester wordo haci na e momentonan aki. Ta importante pa keda focus di kico ta e tareanan y haci esaki na un manera mas eficaz cu ta posibel , esaki kiermen no gasta mucho placa.