Presidente di Easey Riders Curacao Vernon De Lanooi a bin den un grupo Aruba pa un biaha mas celebra dia nacional cu nan amigonan di Cub di Camacuri. Manera tur aña ta bini hunto pa celebra Himno y Bandera di Aruba mes un cos cu e grupo di Aruba ta celebra na Curaçao tambe riba dia di Curaçao. E aña aki Curaçao lo celebra engrande y ta spera cu Aruba ,Boneiro, St maarten y surname tambe bini Curaçao celebra hunto cu nan riba nan dia nacional. E concepto di Easey Riders Curaçao ta brotherhood unda ta intercambia amistad cu otro pasa dushi cu otro, respeta otro. Easey Riders Curaçao tambe ta haci actividadnan pa por yuda diferente fundacionnan of personanan den necesidad. Esaki ta metanan di tur aña cu ta pone nan dilanti. Presidente di Easey Riders Curaçao Vernon De Lanooi ta gusta Aruba y e calor di su hendenan. E meta ta pa cera amistad entre e islanan unda ta conoce hende y por nace un bunita amistad entre e nacionalidadnan ABC. Easey Riders Curaçao lo celebra nan 25 aña cu lo cuminsa fiesta for di 26 di juni te cu 3 di juli. Easey Riders Curaçao ta invita tur coredo di bromer y harley pa bin celebra na Curaçao hunto cu Easey Riders Curaçao pa asina celebra nan 25 aña di existencia.
Easey Riders Curacao ta invita tur club di Harley pa celebra na Curaçao nan 25 aña
