Presidente di Surnam Chan Santokhi ta di bishita na Aruba. Den oranan di mainta e la haci bishita na parlamento di Aruba y despues a haci bishita na bestuurskantoor. Nos por a combersa cu e presidente na momento cu e la sali di Parlamento di Aruba y tabata cana pa yega Bestuurskantoor unda cu a duna nos un entrevista chikito di su bishita na Aruba.
Presidente di Surnam Chan Santokhi ta contento di ta na Aruba y su prome bishita tabata na gobernador di Aruba , despues na presidente di parlamento hunto cu e parlamentarionan. Segun Presidente di Surnam Chan Santokhi por a tuma nota di e gana cu tin pa traha hunto pa asina tin posibilidad entre Aruba y Surnam. E posibilidad nan cu a papia di dje por a yega na un memorandum of understanding (MoU) y esaki a keda firma tambe.
Segun Presidente di Surnam Chan Santokhi historicamente tin hopi samenwerking caba den pasado entre otro den husticia, polis y siguridad, pero tin mas posibilidad nan na caminda. Tambe por traha hunto riba loke ta agricultura (cuminda), petroli y gas, pero tambe e islanan tin un historia mutuo asina fuerte cu mester por haci uzo di esaki.
