E tim di kampaña di gwendell mercelina jr. A lansa un petishon úniko pa rekonosé e hulandes karibense ku tabata tin un kontribushon signifikante den reino via https://actie.degoedezaak.org/petitions/standbeelden-voor-maria-liberia-peters-juancho-evertsz.
E toma di posishon presidensial di joe biden i kamala harris, a yama nos atenshon positivo pa aksentuá e diversidat di nos hendenan den reino hulandes. Pues un homenahe na hulanda na nòmber di reino kompletu pa maria liberia peters i juancho evertsz ta parti di esei.
E tim di kampaña di reino di gwendell mercelina, jr. I jaap jonkers lo bai presentá e petishon aki na ‘tweede kamer’ dia 4 di mart.
Pa su kampaña, mercelina ta traha hunto ku jaap jonkers, kual ta riba e lista elektoral pa ‘tweede kamer’ den representashon di cda, e partido ruman históriko di pnp. Tur djadumingu 2’or di atardi na kòrsou via e plataforma entrevista ku nan tin un ‘podcast’ titulá papia ku ya pa vários siman kaba. Mercelina i jonkers ta konstruyendo un brùg di partisipashon i solidaridat entre e islanan den karibe di reino i hulanda. Duna rekonosementu na nos hendenan ku a traha kaminda pa nos awe por benefisiá di lasonan importante di oportunidat mutuo, ta parti di nos tarea.
E petishon aki a inisiá for di tania ataoellah-henriquez, kende ta un boluntario di kampaña pa e kampañanan di mercelina i jonkers.
Mercelina, ta un konsehero di empresanan kreativo, profeshonal di medio i komunikashon, e ta e polítiko hóben ku mas voto di kòrsou i tin 32 aña di edat. “a yega e momentu pa pone atenshon real den e situashon di krísis mundial ku nos ta pa konsulta nos pasado, analisá nos presente i kontemplá pa un futuro mihó ku nos aliadonan paden i pafó di reino”, loke mercelina a bisa. Gwendell komo polítiko ta enfoká riba e puntonan di liderazgo, formashon i diseño di un mihó nashon ku un demokrasia mas síviko i inklusivo. Su idealnan ta basa riba inklushon sosial ekonómiko, konsientisashon di e impakto ekológiko pa nos ban pensa i biba ku inovashon bèrdè, i un edukashon globalisá di kalidat pa un i tur riba e stándartnan di siglo xxi.
Gwendell mercelina, jr. (32) ta number 4 riba lista di partido nashonal di pueblo (pnp) kende lo mester pasa preelekshon e wikènt aki. Elekshon di parlamento di kòrsou lo tuma lugá djabièrnè 19 di mart 2021. Pa mas informashon bishita www.wenshow.me.
Jaap jonkers (34) ta number 27 di christen democratisch appel (cda) na hulanda. Elekshon di tweede kamer lo tuma lugá djarason 17 di mart 2021. Pa mas informashon bishita www.jaapjonkers.nu
