Contenido Statuto
E EStatuto di Reino Hulandes ta stipula cu e paisnan ta maneha nan mes asuntonan. Hunto nan ta cuida asuntonan di reino. Ademas, e Estatuto ta duna reglanan pa cooperacion, asistencia, consultashon y organisacion di estado di e paisnan.
E Statuut a keda establece na 1954. For di e tempo ey e paisnan di e Reino tin un posicion igual. Pa loke ta trata derechonan y libertad nan humano, siguridad di ley y bon gobernacion, e paisnan mes ta responsabel den prome instancia. E tarea di e Reino ta pa garantisa esaki.
E ta posibel pa cambia e Estatuto solamente si tur pais di Reino ta di acuerdo cune. E Constitucion Hulandes y e reglanan di Estado di Aruba, Corsou y Sint Maarten ta subordina na e Estatuto.
Asuntonan di Reino
E Estatuto ta contene un cantidad di topico cu ta pertenece na e Reino como unidad. Esaki ta asuntonan di reino. Por ehempel e mantencion di e independencia y defensa di e Reino (defensa), di e nacion Hulandes y di e relacionnan exterior. E conseho di ministernan di Reino (Rijksministerraad) ta discuti e asuntonan aki. Den e Conseho di Minister ta consisti di e ministernan Hulandes y e ministernan autorisa di Aruba, Corsou y Sint Maarten.
Ley cu ta conta pa henter Reino ta wordo yama Ley di Reino. Tur otro asuntonan ta asuntonan nacional y ta wordo trata pa cada pais separadamente. Si un ley ta conta solamente pa 2 of mas pais den Reino, e ta wordo yama un ley di consensus. Un ley di consensus ta un regla mutuo boluntario.