Aruba dia pa dia ta cambiando, generacionnan ta cambiando y den tur aspecto ta lubida dicon nos ta aki na mundo y kico realmente nos mester cuida pa nos mes ta existi riba mundo. Un Aruba sushi no ta solamente depende di e Pais ta depende di nos tur pa mantene esaki limpi pa nos tin alrededor limpi y cu nos tin un pais mas miho.
Sinembargo te ainda ta topa situacion di indecencia sin conocemento na diferente caminda rond di nos isla. Sea cu ta Arubiano of inmigrantenan di diferente nacionalidad na Aruba cu ta ser nan cu ta comparti e pida baranca aki cu ta cana ariba Aruba y haci uzo di e pida tera aki tin cu ta mas consciente di mantene Aruba limpi.
Custumbernan di otro pais no ta tuma aki na Aruba ora bo bebe disfruta di e alcohol cu ta drenta bo curpa y ta perde conocemento corda cu bo tin un responsabilidad di benta e sushi den un bari y bo tin un responsabilidad di core auto safe pa no perhudica otro na momento cu bo ta burachi.
Pero percura pa higiena riba e pida baranca aki. Tira bo boter di alcohol y bebida dies riba caya ta mustra di ta un porco , di ta sin conocemento y ta muestra cu bo no ta stima e pida baranca aki e tera aki cu ta permiti pa nos ta riba dje y duna nos e privilegio di por haci uzo di dje unda nos mes ta maltrate cu nos propio sinberguenseria.
Hopi a ser papia hopi a ser bisa pero ainda tur caminda ta topa sernanhumano cu no tin un tiki di sinti y ta sushi Aruba. Increibel pa kere di mira cuanto boter ta haya benta canto di caminda den pleno caya , un berguensa y un falta di respet total.
Varios departamento ta haci conscientisacion tur dia ta papia tur dia ta trece conscientisacion , ki dia nos como serhumano ta tuma consciencia di tene Aruba limpi. E acto aki ta un berguensa total sea ta Arubiano of nacionalidadnan cu ta biba aki riba cu ta kere nan por bin biba riba un pais cu otro normanan y balornan y ta bin haci nan custumbernan cu no ta custumbernan di Aruba aki y daña e pida baranca aki tur dia y ainda kier habri porta pa nan, nos ta perdiendo gevoel y consciencia dia pa dia unda nos mes ta destrui e pida baranca aki cu yama Aruba.
