Ministerio di Enseñansa, Ciencia, Cultura & Deporte (ESKD) a haci apertura di e prome scol na Ingles. E prome scol na ingles ta cay bou di Directiva di Scolnan Catolico i ta na Colegio Sint Antonius na Sta. Maria. Minister encarga ku enseñansa sr. Sithree van Heydoorn hunto cu Directiva di Scol Catolico, Consulado Mericano, Camara di Comercio a tene discurso na apertura.
E scol ta cuminsa cu e 2 prome grupo di enseñansa di fundeshi cu alumno cu tin e edad di entre 4 pa 6 aña. Desaroyo di facilidadnan cognitivo i cultural ta prioridad den e scol aki. E scol a bira un scol (immersieschool) caminda e idioma di instruccion ta bira Ingles. Mayoria of miho bisa tur materia ta keda duna na Ingles esaki ta nifica cu e curiculo mester a keda diseña i adapta special pa e scol aki. E enfoke di e scol ta tambe riba e aspecto pa stimula desaroyo di e alumno pa e bira un ciudadano global caminda e tin habilidad i conocemento pa adapta facilmente.
Esaki ta un iniciativa i cooperacion entre Consul Merikano sra. Margie Bond hunto cu su tim, Directiva di Scolnan Catolico, Camara di Comercio i Sector di Enseñansa i Ciencia. E partner nan aki a traha hunto pa por a logra e soño aki e a keda realisa e aña escolar aki. Tambe por a tuma nota di e renobacion di un di e localidadnan cu a keda haci pa Corendon Hotel den forma di un donacion.