E promé lote di e buki “70 aña Statuut, 7 dékada di engaño, hipokresia i
kolonialismo krioyo “a kaba. Den un kurá yená di interesado, Akademia
Popular Errol Scoop, e ala di formashon emansipatorio di Movementu
Kousa Promé a presentá e obra magno di mr. dr. René Rosalia. Un
análisis hurídiko krítiko di e lei kolonial Statuut. Despues di e presentashon
i e akto di boutismo tabata tin oportunidat pa presentenan kumpra e buki.
Den un fregá di wowo e promé lote a kaba. Tin interesado ku a kumpra
dos i asta te tres buki. E interes pa e buki ta hopi grandi. Akademia Popular
Errol Scoop i Movementu Kousa Promé ta sumamente kontentu i
satisfecho ku e interes kresiente pa e proseso natural di dékolonisashon.
Ya a traha un lista di e personanan ku no a haña buki. E siman aki mes lo
imprimí e di dos lote di moda ku por komplasé tur esnan interesá.
Personanan ku ta interesá pa kumpra buki por yama i reservá na e
numbernan 5136976 i 6672178. Tabata un un anochi sumamente eksitoso.
Den e presentashon tabata tin aktuashon elokuente di e artistanan Crisen
Schorea i Tio Ali. E outor a dediká e obra na drs. Gilbert Bishop e nèstòr di
Movementu Kousa Promé.
Un pueblo informá ta un pueblo ku defensa. Ta un pueblo konsiente so, ta
haña un gobièrnu ku e ta meresé.
Drs. Ellen Maduro-Jeandor 5136976
Sra. Indira Boelbaai 6672178
