Mayoria parti di e poblashon di Hulanda Karibense di 15 aña bai ariba ta konsiderá su mes di ta parti di un agrupashon religioso. Na 2021 na Boneiru, 85 porshento tabata pertenesé na un denominashon religioso òf agrupashon di grupo ideológiko; na Sint Eustatius esei tabata 78 porshento, i na Saba 80 porshento. Na Sint Eustatius, e parti ku ta konsiderá su mes di ta parti di un agrupashon religioso a baha for di 2017, na e otro islanan no a opservá niun kambio. Esei ta resultá for di sifranan di CBS ku presentashon di e publikashon The Caribbean Netherlands in numbers (Hulanda Karibense den sifra).
Na Boneiru i Saba, katolisismo ta e religion di mas grandi; respektivamente 60 i 50 porshento di e poblashon ta konsiderá su mes parti di iglesia katóliko romano. Na Sint Eustatius, tin tres grupo religioso kasi mes grandi: metodista (25 porshento), katóliko romano (23 porshento), i atventista di shete dia (19 porshento).
Bahada na Sint Eustatius
Na Sint Eustatius, e porsentahe di hende ku ta konsiderá su mes parti di un denominashon religioso òf grupo ideológiko a baha, di 85 porshento na 2017 pa 78 porshento na 2021. Na Boneiru i Saba, no tin diferensia signifikante entre e añanan.
Na Boneiru sí e porsentahe di evangéliko a oumentá, di 3 na 2017 pa 6 na 2021. Na Sint Eustatius e porsentahe ku ta konsiderá su mes parti di iglesia pentekostal a baha, di 7 na 2017 pa 3 na 2021.
Bahada na Sint Eustatius
Na Sint Eustatius, e porsentahe di hende ku ta konsiderá su mes parti di un denominashon religioso òf grupo ideológiko a baha, di 85 porshento na 2017 pa 78 porshento na 2021. Na Boneiru i Saba, no tin diferensia signifikante entre e añanan.
Na Boneiru sí e porsentahe di evangéliko a oumentá, di 3 na 2017 pa 6 na 2021. Na Sint Eustatius e porsentahe ku ta konsiderá su mes parti di iglesia pentekostal a baha, di 7 na 2017 pa 3 na 2021.
Hende ku edukashon abou mas biaha religioso
Na Boneiru i Saba, hende ku edukashon abou ta religioso mas biaha ku hende ku edukashon mas haltu. E diferensia di mas grandi ta na Saba, unda 92 porshento di e poblashon ku un nivel di edukashon abou ta religioso, siendo ku 72 porshento ku un nivel di edukashon mediano òf mas haltu ta konsiderá su mes parti di un agrupashon religioso.
Na Sint Eustatius, tin mas hende muhé religioso (88 porshento) ku hende hòmber (68 porshento).
Na Hulanda Oropeo, un parti hopi mas chikitu di e poblashon ta konsiderá su mes parti di un agrupashon religioso òf ideológiko: 43 porshento na 2022.
Link relevante:
Publikashon – Caribbean Netherlands in numbers 2023 (Hulanda Karibense den sifra 2023)
https://longreads.cbs.nl/the-caribbean-netherlands-in-numbers-2023/
Dashboard – Monitor brede welvaart Caribisch Nederland (Monitòr prosperidat amplio na Hulanda Karibense)
https://www.cbs.nl/nl-nl/visualisaties/monitor-brede-welvaart-caribisch-nederland
Notisia – Hoge tevredenheid ondanks lage materiele welvaart in Caribisch Nederland (Satisfakshon haltu apesar di prosperidat material abou na Hulanda Karibense)
Notisia – Eén op de vijf inwoners Bonaire zegt moeilijk rond te kunnen komen (Unu den kada sinku habitante di Boneiru ta bisa ku nan tin problema pa lora ku sèn)
Notisia – Bijna 6 op de 10 Nederlanders behoren niet tot religieuze groep (Kasi 6 den 10 hulandes no ta pertenesé na grupo religioso)
