E berdad a sali na cla, y nos tur ta corda cu nos a adverti mayornan con e uso di alcohol bao di
hubentud tabata durante temporada di Carnaval , con nos ta mira hobennan cu botter di alcohol tur
caminda ta bebe.Awor temporada di Carrnaval a pasa basta tempo.
Pero e adiccion a keda atras y awor tin hoben ta cana drenta minimarket of supermarket simplemente
pa horta un botter di alcohol sin importa cu nan ta wordo graba of no.
Despues di temporada di Carnaval ministerio publico a laga tur hende sa especialmente mayornan
cuanto hobennan ta envolvi den delito.
No ta nada di sconde cu pa 70% porciento di presonan den KIA ta bao di cincuenta aña.
Nos hubentud no ta riba e bon caminda, pasobra e canamento cu arma y benta di droga a aumenta, tur
hende por nota cu e lotenan di droga cu ta wordo gara door di polis y douane no ta cos chikito, y esnan
envolvi localmente ta hende jong.
Esaki ta hiba nos na e contesta, cu nos mester aserca e trono di e Haltisimo pa ayuda, nos mester di
ayudo di Dios pa prevencion, pasobra caya ta yena cu adicto tur caminda, no solamente den stad pero
tur bario tin uso di droga, benta di droga, y naturalmente e adictonan di bario.
E plan di e malbado ( diabel ) ta pa destrui nos hubentud ( Juan 10:10) pa asina nan no tin futuro, y no
logra bira e homber of muher integro cu Dios ta yama nan pa nan ta.
Tur caminda anochi despues di 7;30 pm ta manera un otro poblacion ta lanta for di soño, di hobennan
buscando droga y alcohol riba caya y negociando den maldad, y tur hende sa esey.
Pesey nos mester cuminsa duna tur hoben riba caya, na cas, den scol, tur caminda e palabra di Dios,
pasobra solamente e palabra di Dios por libra nan di mal caminda.
Pasobra di berdad nos ta biba den tempo trabahoso, y ta rond mundo,hacidornan di maldad ta
buscando hoben pa recluta of destrui.
A yega ora pa tur mayornan lanta for di soño y stop di kere den placa y cosnan material, pasobra
diabel nos ta respeta placa ni material, tampoco propiedad e unico cos cu diabel ta respeta ta : E
nomber di Cristo Hesus, pasobra ta den e nomber ey e ta wordo derota.
Nos hubentud mester wordo guia den caminda di Dios, pasobra tin hopi caminda ta parce bon pero
nan final ta morto.
E caminda di Dios ta un caminda di pas, puresa y santidad pa nos hubentud.
Nos ta rondona cu productornan di maldad cu no ta importa yui di ken nan destrui.
E palabra di Dios ta bisa lo siguiente na tur hoben:
No laga ningun hende menosprecia bo hubentud, ma mas bien den palabra, conducta , amor,fe y
puresa, demostra bo mes di ta un ehempel pa esnan cu ta kere, ( 1 Timoteo 4:12).
Y Jabes tabata mas honorabel cu su ruman hombernan, y su mama a jame Jabes bisando ta cu dolor mi
a hañe. Awor Jabes a invoca e Dios di Israel, bisando: O cu Abo lo a bendicionami di berdad y haci mi
teritorio mas grandi, y cu Bo man lo ta cumi,y cu Abo lo wardami di malo, pa pena no tocami. Y Dios
a dune loke cu e a pidi.( 1 Cronicanan 4:9-10).
Ningun hoben tin mester di drenta mal caminda, laga nos tur como mayornan busca Dios .y siña nan e
palabra di Dios.
Sinceramente, Pastor Marcel Balootje.
