E kampaña di ‘Rediscover Bonaire: the Last Minute Escape’ ta invitá biaheronan pa bolbe bishitá Boneiru

Tourism Corporation Bonaire (TCB) ta kontentu di por anunsiá su kampaña di mas resien, ‘Rediscover Bonaire: The Last Minute Escape’, ku ta enfoká riba stimulashon di low season i riba enkurashamentu di bishitantenan ku a bini anteriormente kaba pa bolbe bishitá nos isla. For di luna di yüli 2023 te fin di luna di òktober 2023 biaheronan por disfrutá di e trankilidat di un isla ku no ta afektá pa multitutnan grandi di hende i duna nan sintimentu pa aventura un impulso pa medio di eksplorá e milagernan skondí di Boneiru.

E kampaña ta enfoká riba merkadonan oropeo, norteamerikano i lokal i ta purba sedusí biaheronan ku a yega di bishitá Boneiru un biaha kaba i a mustra interes di ke bolbe bèk. Pa medio di traha huntu ku partnernan apresiá, Boneiru ta ofresé rebahonan eksklusivo, promoshonnan i eksperensianan úniko, di manera ku e ‘Last Minute Escape’ ta bira e mihó porta di entrada pa deskubrí Boneiru di nobo.

E ‘landing page’ spesial riba wèpsait di Bonaire Island https://bonaireisland.com/rediscover-bonaire/ ta mustra e partnernan ku ta partisipá, i kiko nan oferta ta i ta duna tur informashon ku biaheronan tin mester pa por buk nan vakansi. E página akí ku ta fásil den uso ta duna un imágen mas klarito posibel di loke partnernan ke laga mira i ta hasi reservashon mas fásil pa bishitantenan. 

Partnernan ku ta interesá ta keda invitá pa registrá nan mes pa e kampaña pa medio di yena e formulario riba e siguiente lenk: https://shorturl.at/mrsuE. Pa medio di registrá nan mes, partnernan ta haña akseso na un oudiensia spesífiko di bishitantenan ku a bishitá Boneiru anteriormente i nan tin e posibilidat pa mustra nan propiedatnan i servisionan pa atraé klientenan potensial.