E pregunta fundamental ta: te na ki punto nos espasionan, hendenan, dedicacion (tempo), curriculum, idiomanan, i tecnologia actual den scolnan ta yudando of strobando nos vision y mision pa un bon enseñansa di nos juinan? Lo modernisa y actualiza e sistema pa nan futuro cu ta fit den e era nobo aki?
- E prome tendencia ta: e demanda ta aumentando pa soluciona problemanan global. Mundo ta enfrentando un set nobo di desafio global, sistemanan di educacion lo bira un parti central di e solucion yudando futuro generashonnan braza un mente y curazon cu abilidadnan global.
- E di dos tendencia ta: cambio den e abilidadnan nesesario pa trabou. Segun tecnologia ta avansa, educacion lo enfoca ariba ekipa nos studiantenan ku e abilidadnan di e demanda halto ku nan lo mester pa prospera den un mundo laboral nobo. Tin otro trabounan nobo cu ainda no ta existi aki na Aruba y den exterior. Apart di un trabou di futuro, lo por tin espacio pa mas entrepreneurships den un cultura arubiano?
- E di tres tendencia ta: un shift pa un mente di enseñansa durante e persona ta biba mas largo. Segun e speransa di bida y edad ta aumentando i e cambio social ta acselerando, e idea di enseñansa pa biba largo ta ganando tereno, ku mas hermentnan disponibel pa ‘upskilling’ i avansamentu. Kiko mas tin pa ofrece na Aruba pa nos generacionan actual y esunan cu ta bini?
- E di cuatro tendencia ta: hasi e plan di enseñansa mas personal y adapta na e technologia nobo unico pa nos educadornan ta mas equipa na a necesidadnan di school.
- E di cinco tendencia ta: cambia e diseño di enseñansa. Segun tecnologianan nobo ta bira mas aksesibel, educadornan ta aspira pa compronde con nan por sostene e enseñansa nobo.
- E di seis tendencia ta: eleva e docente. Segun e panorama educacional ta cambia, docentenan ta shift for di ta ‘gatekeepers di conosemento’ pa ‘coreografonan di enseñansa.’ Con nos mester ta dilanti klas (online y offline) compara cu pasado?
- E di siete tendencia ta: actualiza e entorno di enseñansa cu mas inversion den un infrastructura digital pa juda den e vision technologico, padagogia, y espacio fisico. Un “School management System” y “Learning Management System” central ta na su lugar pa un mihor modus operandi na schoolnan. Aki lo tin un mihor comunicacion cu tur departamentonan, docentenan, studiantenan, y demas stakeholder linked cu e sistemanan.
- E di ocho tendendia ta: empodera nos educadornan cu mas datos. Hopi acceso na datosnan di informacion lo yuda nos educadornan determina kiko mester como herment y pa eherce practicanan. Esaki ta crea e probabilidad di tin mas impacto na trabou.
- E di nueve tendencia ta: reevalua e progreso di nos studiantenan. E demanda creciente mester ta husto y efectivo pa un y tur cu mester un educacion? Mester tin mas formato pa evalua cada caso individual di un studiante. Ademas, studiantenan special cu mester extra accessibilidad (por ejemplo: den rolstoel, ciego, sordo, mudo, dyslexia, etc.) — nos schoolnan mester ta prepara pa esey. Inclusion no importa rasa, religion, genero, etc. tambe ta importante.
- E di diez tendencia ta: “Education is the most powerful weapon which you can use to change the world.” —Nelson Mandela
Expertonan a identifica algun abilidadnan den anjanan cu ta bini: un mente analitico, critico, y cu innovacion, un enseñansa activo cu estrategianan nobo, resolve problemanan compleho, y mas creatividad y originalidad di parti nos studiantenan. Inteligencia articial por juda un rato mejorando e resolucion di problemanan, pero ta e intiligencia humano mes, mester identifica y defini problemnan desconoci cu mester un solucion.
E obstaculo mas grandi cu nos docentenan ta enfrentando ta e tempo disponibel den un curriculum estrictamente regulado. Tambe e tempo cu mester pa personaliza e estudio hunto cu nos studiantenan. Mundialmente ta sinti cu tin un epidemia social (mama of tata soltero, desacuerdonan den cas, y problemanan social of mental, etc.). Ora e costo di bida ta halto, mas problema nos tin cu nos studiantenan di tur edad. Otro problema ta un incentivo pa mas calidad den educacion y investigacion, pa e docente sigui crece intelectualmente y hanja mas titulonan universitario. Con nos ta reconoce nos docentenan salarial cu tin un Bachelors versus Masters versus PhDs na tur schoolnan rond Aruba compara cu otro paisnan?
Nos tin un relacion estrecho cu e sistema di educacion di Hulanda, y e demanda di nos estudiantenan ta cambiando. Aruba tin studiantenan cu no a lanta den un sistema hulandes. Nos imigrantenan a trece nan juinan den un sistema diferente cu nan no conoce unda schoolnan na Aruba mester a adapta nan mes, of mester crea schoolnan cu curriculum nan nobo pa adapta e demanda. Door cu ta selecta den 6de Klas kende ta bai MAVO, EPB, HAVO, of VWO ta crea dos grupo, unda e oportunidadnan na Aruba ta limita. Den e mente di un studiante den 6de Klas cu a wordu consega pa bai un MAVO of EPB ta sona como menos cu un HAVO of VWO y ya desde aki caba tin graba den mente “cu ami ta menos cu nan.” Na otro paisnan un sistema di highschool tin cu ta duna hopi oportunidad y hopi programanan pa drenta un College of University sin huzga e nivel. Tin un abundancia di programanan na paisnan grandi cu ta hasi mas efectivo estudiantenan sigui crece.
Sugerencianan: Tur school mester ta mihor cu e studiante su mes cas. Aki e studiante hunto cu docentenan ta interactua contento. Aruba mester mas programanan na Ingles atractivo pa e mercado local mescla cu internacional na tur nivel. Schoolnan mester tin mas campo deportivo, areanan pa descansa, coffee house, variedad di F&B, internshipships na schoolnan mes for learning, lugar di hospedaje pa studiantenan cu problemanan na cas, mas psycholoog pa juda estudiantenan cu problema, y lifelong learning pa nos docentenan cu mester upgrade nan mes pa enfrenta retonan di awe y majan.
Nos educacion por ta mihor cu otro paisnan? Si por!