Pa di dos biaha e festival di pelicula di derecho di mucha di Unicef lo wordo organisa riba e 6 islanan den reino. E final di e festival di pelicula lo tuma luga dia 21 di november den Marriot Hotel na Boneiro. E final lo wordo di host for di un studio na hulanda. Riba e islannan tambe un evento similar lo wordo organisa, caminda lo tin un conexion ‘live’ ku e evento den e studio.
Pone atenshon pa derecho di mucha ta importante. Ahinda no tin suficiente hoben cu ta na altura di nan derecho riba e islanan. Na momentu cu nan sa di nan derechonan nan por para mihor pa nan mes. Den e tratado di derechio di mucha tin poni cu mucha tin derecho di wordo scucha (artikulo 12). Door di organisa Festival di Derecho di Mucha den Caribe 2020 UNICEF ta zorg cu e muchanan tambe por tuma parti den e combersacion tocante nan derechonan. Sigur den tempo di Corona esaki ta importante.
Den e ultimo lunanan e muchanan a siña tocante derecho di mucha i nan a traha un pintura di un derecho di mucha cu ta mas yamativo pa nan. Entre tur e scolnan cu a participa e klas ku e mihor pintura a wordo scohi. Huntu cu un Filmcoach e hobenan a traha un texto cu a wordo usa como un base pa un pelicula tocante derecho di mucha. Riba tur e islanan un ‘filmcoach’ a keda acerca cu e pregunta pa traha un ‘shortfilm’ cu ta splica nan pintura i e motibo cu nan a scohe e derecho ey di mucha. Na Saba, Boneiro i Curacao tabatin premier local caminda un pelicula ganado a wordo skohi riba cada isla. E pelicula ganado di Saba ta bai tocante cuminda saludabel. E peliculanan ganado di Curacao i Boneiro ta bai tocante e importancia di un famia i un bon bida.
E peliculanan ganado di e tres premiernan, hunto cu dos otro pelicula di Aruba i St. Eustatius, lo competi cu otro na e final di region djasabra dia 21 di november. E pelicula di St. Eustatius ta bai tocante di libertad i e pelicula di Aruba tocante e importancia di tin cuminda. Un compilacion di video tocante e pinturanan tocante derecho di mucha di St. Maarten i St. Eustatius tambe lo wordo presenta na e final. Djasabra dia 21 di november ta mustra di ta un dia prometedor pa tur e participantenan di e Festival di Derecho di Mucha di Unicef.