Reconociendo e importancia di lesa den e mundo moderno, cu ta wordo maneha pa tecnologia, e St. Maarten Library a organisa un workshop informativo pa mayornan como parti di e campaña di ‘Baby and Toddlers Book Start 2023’.
E workshop, dirigi pa e edukadó respetá Patricia Illidge-Maier, tabatin como meta pa establece un cultura di lectura pa desaroyo di mucha na St. Maarten, den anticipacion di Dia Mundial di Alfabetisacion riba 8 di september.
E evento a cuminsa ku un sesion di conta historia di e experto den educacion Jessica Mckenzie-Setz, cu a captivá e muchanan presente cu e relato di Suzanne Barton Het Ochtend Koor. Pa asina e mayornan por a absorba e informacion baloroso, Shakirah Cornett a organisa actividadnan di diversion pa e muchanan.
Illidge-Maier a duna un presentacion poderoso durante e workshop. E sesion pa mayornan a enfatisa e importancia di mayornan lesa pa nan yiunan y fomenta un amor pa lesa pa henter bida.
A reconoce cu mayornan ta hunga un rol central y activo den e desaroyo educativo di nan yiunan. Nan a ricibi conseho, strategia y recomendacionnan practico pa material di lesa apropia pa e edad di e studiante, pa asina nan por a crea experencia di lesa agradabel y gratificando pa nan mes y nan yiunan.
Mayornan, educadornan y miembronan di e comunidad a scucha cu atencion e rol vital cu lesa y bishita biblioteca ta hunga den bida di un mucha.
E workshop a termina cu un sesion anima di pregunta y contesta, cu a permiti e participantenan busca conseho y recomendacionnan personalisa di Illidge-Maier. Ademas, mayornan tabatin e oportunidad pa inscribi nan yiunan chikito na biblioteca y ricibi nan BoekStart Koffertjes.THE DAILYHERALD.SX