Dos lider político, PP y MAS, no a participa den debate ‘’ E DEBATE’’. Interesante tabata cu no solamente e lider politico a participa den e debate, pero cada partido a manda un candidato cu ta representa e votadonan millenium, cu ta un grupo grandi di votoado. E mesun grupo aki cu partidonan den e eleccion anterior a concentra hopi riba dje.
E preguntanan tabata hopi al caso di e situacion reinante di Aruba. Tur a mustra di kier mira un cambio den direccion di maneho, compara cu antes. E dos preguntanan cu a resalta ta cu pueblo ta hopi preocupa cu economia y finanza di Aruba. Nan tabata kier sa pensamento no solamente di e lidernan pero tambe di e candidatonan hoben riba e formula pa saca e isla dilanti den un tempo asina dificil cu ta bibando.
Den e preguntanan a sinti e preocupacion di e rol cu COHO ta bay hunga den maneho di pais Aruba, si e no ta nifica un perdida di autonomia.
E preguntanan por lo menos tabata miho cu e prome debate di Camara di Comercio, a pesar cu nan tabata mucho largo, e contestanan no tabata 100% cerca mayoria di e participantenan. Den e parti di millenium por a mira cu e candidatonan bon prepara di e grupo aki ta masha tiki, y aki ta caminda cu experiencia a hunga un rol.
E lidernan a mustra nan fuerte y nan debilidad. Cada un a sobresali riba un area, pero no tur area.
Importante ta pa sigui busca informashon pa asina sa mas di e politico nan y sa nan pensamento y pa dia 25 di juni proximo cu mester bay vota bo por vota pa un partido cu tin Pais Aruba na pecho.
Na final e mensahe di Jacky Wernet, di revista Xclusivo productor di e debate, kende a gradici tur e lidernan cu a duna acto di presencia, respetando comunidad. Tur e partidonan cu a partisipa na e debate a demostra e comunidad cu ta respeta e echo cu nan tin pregunta y cu cada un di nan como partido tabatatin e corahe suficiente pa ta riba un esenario pa contesta e preguntanan
