Cambio semper ta trece turbulencia, esaki ta tur caminda y tur parti mundo. Na momento cu e BBO na frontera a keda introduci yen di duda a bin padilanti y esaki ta comprendibel y ta parti di e proceso cu mester tuma luga na momento cu tin cambio.
Director di departamento di Impuesto DIMP Luenne Gomez Pieters ta consciente di esaki y pa e motibonan aki mes a haci diferente encuentronan di informacion. Un di e prome preocupacionnan di comerciante ta e pago cu lo mester paga BBO na frontera “Vooraf” dus prome cu e ser bendi. Otro comerciante ta duna di conoce cu e BBO na frontera ta un peso adicional. Asina aki tin diferente puntonan di preocupacion di gremionan y e trabao di DIMP ta pa duna informacion y splica comercio pa nan ta bon ekipa cu informacion corecto pa asina nan sa con nan mester administra.
Segun director di DIMP Luenne Gomez Pieters si mester duna un ehempel cu si tin un negoshi cu ta trece producto aden di 10500 florin e ora e BBO di 7 % ta riba e 10500 florin y e comerciante mester paga 735 florin. Sinembargo na final di e mes un luna e comerciante ta bende su productonan den su negoshi y por haya e deduccion unda cu por trek af e BBO Sinembargo aki ta caminda cu DIMP a tuma nota di e prome fout cu e comerciantenan ta haci debi cu ta pensa cu ta e productonan cu a paga e 735 BBO na frontera di dje te ora cu nan bende e ora nan lo por haya nan deduccion, esaki no ta corecto.
E comerciante por haya su placa bek riba full e volumen di benta y no precisamente e producto precies ey cu a paga BBO pe na Frontera. Un ehempel cu por keda duna ta cu si un comerciante tin un negoshi di bende paña, sapato , colonia y diferente otro productonan y si den un luna nan a bende sapato so y no blusa ta e volumen di benta cu nan a bende ta keda deduci di e BBO paga na frontera.
Esaki ta conta di full e volumen di benta, segun director di DIMP Luenne Gomez Pieters Belasting dienst no ta bay controla si e bachi cu a keda importa y cu BBO a wordo paga riba dje si e la wordo bendi si of no y e ora ey e comerciante mag di deduci e BBO paga na frontera, no e proceso no ta asina. E comerciante a paga full e BBO na frontera y esaki ta significa cu e comerciante por deduci for di full e volumen di benta sea cualkier producto cu e bende.
Si e BBO riba e volumen di benta di e luna di augustus 2023 ta 4 mil florin por ehempel y na september ora di entrega e formulario di BBO di augustus ta paga e siguiente suma di BBO na Departamento di Impuesto: 4000 – 735 = 3265. E BBO cu e comerciante a paga na frontera por wordo deduci for di e BBO cu e comerciante mester paga na Departamento di Impuesto over di e volumen di su benta. E ta keda e mesun 4 mil florin, pero solamente paga den dos parti.
E prome parti ta na entrada na momento di e importacion di e producto y un di dos parti momento cu ta entrega e formulario di BBO. Segun director di DIMP Luenne Gomez Pieters e no ta un peso extra , pero e ta un peso di impuesto cu ta wordo parti den dos.
Click aki bao like y share
