E combinacion di variabilidad di clima y cambio ta presenta riesgo significativo pa e region di Caribe

Ta anticipa ku e presion riba recursonan regional lo aumenta hunto cu e demandanan debi na crecemento di poblacion y expansion di turismo. Ademas di e risiconan aki tin:

• E menasanan cu awe ta representa pa sociedad di e extremo y variacionnan di clima
• E risiconan adicional cu cambio di clima por tin un impacto grandi pero cu ta incierto

Foronan Regional di Perspectiva di Clima (RCOF), patrociná pa Organisacion Meteorologico Mundial (WMO) ta activo na diferente parti di mundo. E RCOFnan aki ta fundamental pa desaroyo y entrega di sistemanan di alerta tempran efectivo, ya cu nan ta provee pronostico y interpretacion di clima sezonal na tempo real riba escala temporal y espacial relevante. E Caribbean Climate Outlook Forum (CariCOF) ta un di e RCOFnan cu ta trata di desaroya servicionan adecuado pa clima, pa region Caribe pa apoya e metanan di variabilidad di clima y adaptacion na cambio y reduccion di riesgo di desaster.

E falta di mantencion di un Caribbean RCOF despues di e actividadnan inicial na fin di añanan 1990 tabata nifica cu e sistemanan di alerta tempran aki tabata den peliger. Sinembargo, na juni 2010, a convoca un workshop pa reestablece e CariCOF pa por desaroya un proceso di cooperacion sostenibel cu ta provee producto di clima regional credibel y autoritario den tempo real. Esaki no a inclui entrega di perspectiva, pero mas bien a busca direccion y sosten regional pa actividad di CariCOF den futuro. E prome CariCOF desde e restablecimento cu a inclui entrega di un pronostico di precipitacion a tuma luga na maart 2012. Den e reunion aki, e diferente stakeholdernan presente a discuti e pronostico di awa na e periodo di maart te cu mei 2012 cu a representa sectornan clave cu ta sensibel pa clima manera agricultura, salud, maneho di recurso di awa, y tambe esunnan di maneho di desaster. E foro exitoso aki di stakeholdernan, cu a sigui un workshop di mantencion riba pronostico di awa na temporada pa meteorologo, a wordo considera un exito. A convenci cu e forumnan aki ta sumamente importante, y mester tuma luga dos biaha pa aña, prome cu e temporada di awasero y seca na Caribe.

For di 2013, CariCOF a tuma luga na fin di mei/principio di juni pa duna pronostico pa e temporada di awasero/horcan, mientras cu e prome temporada seco CariCOF a ser organisa pa Antigua y Barbuda na november/december 2014. Entre e CariCOF, e meteorologonan/climatologonan di e region, cu awor tin mas o menos 20 persona, ta actualisa e pronostico mensualmente y entrega nan na un gran variedad di stakeholder regional y nacional. E conhunto di pronostico ta inclui actualmente producto pa precipitacion y temperatura pa te 3 pa 6 luna; y pa sequedad cu mes ta inclui un sistema di alerta cu ta wordo sostene pa accionnan di respuesta cu a ser desaroya cu e stakeholders. Ta anticipa cu otro producto y aplicacion lo ser agrega como formacion ta sigui pa meteorologo/climatologo di henter e region. Asina Caribbean Climate Outlook Forum (CariCOF) a duna di conoce riba su pagina oficial.