E codigo di siguridad pa mucha cu mester wordo implementa na Sint Maarten

Bou di guia di UNICEF Hulanda, e Corte di Guardianship Sint Maarten a desaroya un codigo di siguridad di mucha (e nomber oficial ta keda den fase di decision), di acuerdo cu articulo 243d di e Codigo Civil di Sint Maarten.

Ademas di duna yudansa na muchanan y famia, un biaha implementa, e codigo lo sirbi como un guia pa profesionalnan pa detecta posibel abuso di mucha rapidamente. como resultado di e codigo, tur departamento relevante na Sint Maarten, incluyendo e Corte di Guardianship, Departamento di Polis, SJIS, scolnan, centromedico, y otro institucion cu ta brinda servicio na famia, lo ta mas capas pa comunica tocante sospecha di maltrato di mucha.

Cooperacion entre e instancianan aki ta crucial pa e exito di e codigo di siguridad di mucha y e programanan relaciona. E prome personanan cu ta nota señalnan di sospecha di abuso di mucha ta hopi biaha maestronan, polis, personal medico y otro profesionalnan den cuido di mucha. Nan tin e responsabilidad tambe pa ofrece e sosten emocional necesario pa e muchanan den e situacionnan dificil, of pa informa ora ta necesario”, Neidi de Carvalho, Specialista di Proteccion di Mucha na UNICEF na Hulanda, ta bisa.

Ademas, e Corte di Guardianship y UNICEF na Hulanda ta desaroya programanan di sosten pa sostene e implementacion di e codigo di siguridad di mucha ademas di establecimento di cuadro legal y estableciendo di acuerdo di trabou. Na Sint Maarten, e programanan aki ta inclui‘Child Check’y‘HandlewithCare,’cu ta asisti e institucion cu ta traha cu mucha y mayornan den identificacion, reportahe y siguimento di sospechoso di abuso di mucha.

Aña pasa, e Departamento di Asuntonan di Hubentud y Famia (DMH) na Aruba a implementa su propio ‘Code Di Proteccion’ pa proteha mucha. E Corte di Guardianship y UNICEF Hulanda a organisa un bishita di trabou na Aruba pa siña mas tocante e proceso aki. E bishita a keda organisado di DMH, kende su specialista a duna informacion tocante e implementacion y sostenibilidad general di e “Codigo Di Proteccion” na Aruba. Tambe a bishita diferente otro institushonnan cu tin un rol den e ehecucion di e codigo di siguridad di mucha na Aruba, manera KPA (KorpsPolitie Aruba, StichtingKatholiekOnderwijs Aruba, Bureau Sostenemi (Child Abuse and NeglectReporting, University of Aruba, DVR (DirectieVoogdijraad), Dr. Horacio Hospital, TelefonpaHubentud (YouthHelpline), entre otro.

E meta principal di e bishita tabata pa haña conocemento, mihor practicanan, conseho y inspiracion tocante e proceso, proceduranan, fluho di trabou, cuadro legal y fase di implementacion for di cuminsamento te na unda Aruba ta para actualmente. E informacion aki lo ta util pa desaroya y implementa e codigo di siguridad di mucha na Sint Maarten den colaboracion cu UNICEF di Hulanda. Danki na Departamento di Asuntonan di Hubentud y Famia pa nan yudansa den facilitacion di e bishita di trabou precioso aki.