E Centro di Operacion Marítimo (MOC) di Guardia Costera Caribeño a ricibi peticion pa ayudo

E Centro di Operacion Marítimo (MOC) di Guardia Costera Caribeño a ricibi un peticion di MRCC for di Fort de France na Martinique pa ayudo den e buskeda di un grupo di hende na laman. E nuebe persona a keda deteni entre St. Lucia y Martinique cu nan boto a desaparece.

Na peticion di Martinique, MOC a manda e avion Dash di Coast Guard na e area pa cuminsa un buskeda. Den e buskeda, e Dash a mira prome dos persona cu tabata landa. Durante e buskeda den e’search box’ e avion di guardia di costa a haya 6 persona cu tabata sostene e boto. Segun e coordinadonan, e seis personanan a wordo rescata pa un boto di rescate for di Martinique y a yega na tera sano. Na e momento ey un persona mas a keda perdi y autoridadnan na Martinique y e avion di Coast Guard ta sigui cu e buskeda awe. Durante e buskeda, e ultimo morto a wordo haya na laman. Guardacosta ta desea famia y amigonan di e morto hopi forsa.