E recherche di mas jong di Cuerpo Policial, Illes a bira e prome morto den trafico pa 2023, e accidente frontal a sosode riba e caminda di Urataka pa Macuarima. E hoben agente tabata bayendo direccion zuid, direccion di Macuarima y caminda muha lo a hunga un rol den e accidente aki cu consecuencianan fatal.
Diabierna, den careda di 2’or y 45 di merdia a sosode un accidente basta serio riba e caminda di Macuarima pa bay direccion di Urataka, na altura di e bocht. Pa un of otro motibo e auto lo a slip dal contra un auto biniendo di contrario.
Dos persona a resulta herida, den un auto un dama y den e otro auto un cabayero cu casi no tabata halando rosea mas.
Presencia di polis y ambulance a wordo pidi cu maximo urgencia. Na yegada polis a mira e situacion critico di e cabayero y a pidi pa ambulance bin mas lihe cu ta possible. Tambe nan a pidi pa brandweer mirando cu un di e autonan tabata sacando huma.
Na yegada di ambulance e paramediconan hopi lilhe a bay atende cu e victima masculine cu su situacion tabata hopi serio, lamentabelmente un rato despues por a compronde cu personal di ambulance no por a haci nada mas pa e cabayero, e la fayece. E dama den e otro auto cu tambe tabata herida a wordo transporta cu urgencia pa hospital.
Departamento tecnico di polis a wordo pidi pa haci mas investigacion y tambe Janine Rodriguez di slachtofferhulp a presenta na e sitio pa atende cu famianan di e victima cu a presenta na e sitio.
Dr. Anthony a constata morto di e victima Illes.
E victima Illes, kende na bida tabata un agente policial cu tabata traha como recherche. Segun nos a compronde cu e tabata e recherche di mas jong di Cuerpo Policial di Aruba.
