Mas cu positivismo, custumbernan integral, resiliencia contra stress y rasonan manera disciplina ta tras di un edad saludabel y duradero
E cantidad di Mericano cu ta yega 100 aña of mas a dobla den e ultimo decada, segun estadistica. Mientras hopi di nan ta atribui nan longevidad extenso, por lo menos parcialmente, na un perspectiva positivo di bida, expertonan ta señala cu e relacion entre personalidad y envejecimento ta mas compleho.
“Nos ta sobrevalora e efecto di ta simplemente positivo”, David Watson, PhD, ex profesor di psicologia di personalidad na Universidad di Notre Dame, ta bisa CNBC. “Skrupulosidat, of con organisa y disciplina un persona ta, ta mas estrechamente relaciona cu longevidad”.
Watson ta splica cu individuonan skrupuloso tin e tendencia pa cuida nan salud miho. Por ehempel, nan ta bebe alcohol moderadamente, ta come balansa y ta evita comportacionnan di riesgo. “Nan no ta haci cosnan bobo, p’esei nan tin menos cantidad di accidente y miho comportacion di salud”, e experto ta bisa.
Afortunadamente, e scrupulosidad por aumenta cu edad. Workshopnan specialisa ta busca pa aumenta e capacidad di autoregulacion door di ehercicicionan di puntualidad y siguimento di obhecionnan. “Si bo ta actua mas scrupulosamente, e actitud ta sigui e comportacion”, Watson ta bisa.
Bondad tambe ta relaciona cu longevidad, specialmente den situacionnan estresante. Hende cu ta psicologicamente saludabel ta recupera mas lihe for di stress. “Nan por relativiza e problemanan y bolbe mas lihe na nan balansa”, e experto ta agrega NA CNBC.
Un combinacion di custumbernan saludabel, capacidad di recuperacion y caracteristicanan di personalidad manera scrupulosidad y bondad, ta tras di un bida mas duradero y completo. E actitud positivo so no ta garantisa longevidad, pero ta forma parti di un estilo di bida integral pa envejece bon. Infobae
