E torneo di Golf di mas popular riba e isla, organisa pa Arion Wine Company conhuntamente cu Wente Vineyards & Papiamento Restaurant a tuma luga na Tierra Del Sol Golf Course e fin di siman cu a pasa.
Un dia net prome cu e torneo, Eric Wente, di cuater generacion creado di biña y Chairman Emeritus di e hunta di Wente Vineyards a yama patronisadornan bon bini na e hardin tropical di Papiamento Restaurant cu algun glas di su mesun biñanan excelente, gradiciendo nan personalmente pa nan participacion den e torneo di golf pa recauda fondo cu a tuma luga e siguiente dia.
Fondonan recauda na e torneo a bay na un iniciativa hopi necesario, CHILDHOOD OBESITY PREVENTION PROGRAM, un programa multidisciplinario den maneho di obesidad den muchanan, afilia na HOH, Horacio Oduber Hospital.
JUMP18 ta consisti di un grupo di hoben Arubano cu ta profesionalnan medico, cu bao guia di un pediatra a desaroya un iniciativa pa empodera muchanan y nan mayornan pa mehora nan salud y bienestar. JUMP18 su meta ta pa yuda mayornan y muchanan biba un bida mas saludabel por medio di educacion y retando nan percepcionnan limita. Por medio di e proceso aki, e acceso ta wordo crea pa mayornan y nan muchanan bolbe descubri nan balor berdadero hunto cu un conocemento mas profundo den loke ta nutricion y salud.
Samantha Schwengle a ilumina Papiamento Restaurant cu su presencia y gradici tur patronisador pa nan participacion. E evento a haya catering fenomenalmente brinda pa Papiamento Restaurant kende su doño, chef y propetario Eduardo Ellis a join Govert van der Hout, Arion Wine Company, den meet & greet cu bishitantenan.
Papiamento Restaurant su cuminda tabata hopi bon combina cu algun di Wente Vinyards su miho seleccionnan durante e recepcion di cocktail y durante torneo di Golf cu a sigui e diasabra atardi despues. Govert van der Hout a splica cu Arion Wine Company tin 16 aña ta organisa e torneo aki, practicamente desde cu a funda e compania. Desde e tempo aki tambe e ta representando Wente Vineyards, cargando cu tur e coleccion completo, incluyendo esun di mas nobo Murrieta’s Well, awor haciendo Sauvignon Blanc y un delicioso biña cora, biñanan for di bodeganan cu ta data te na siglo 19.
Hunto cu Eric Wente, Govert van der Hout y Eduardo Ellis den yamando bon bini na invitadonan, golf pro James Kiley, kende a splica e reglanan di e torneo cual a tuma luga e siguiente dia.
