Dyane Wiersma ta coordinador di Women’s Football pero banda di esaki ta fungi como coordinador di programa di FIFA tambe. Segun Wiersma tin diferente proyectonan andando y recientemente a cuminsa cu academia di mucha muhe U-14 cu tin compromiso otro aña cu Caribbean Football Union (CFU).
E grupo actual ta un grupo basta special compara cu e grupo anterior mirando cu ta muchanan cu ta awo ta desaroyando of miho dicho cuminsa hunga futbol. Tin un grupo cu ya sa hunga pero gran parti di nan awo nan a cuminsa hunga futbol, esaki ta pone cu tin un tarea hopi grandi su tras pa traha cu e muchanan pa asina por bay otro aña y haci un bon papel den exterior.
Sinembargo e grupo cu a bira campeon na CFU 2021 nan a bira U-17, awo nan ta preparando unda cu nan ta bay tin compromisonan otro aña y na 2024 ta bay tin girls under 17 . E team di U-17 ta bay tin dos aña di preparacion y ta spera cu nan lo por bay haci un bon papel un biaha mas.
Tambe pa loke ta trata school football AVB ta trahando cu FIFA mes cu a bin cu un proyecto FIFA for school esey ta caminda cu tin un APP cu tur scol ta haya di FIFA y eyriba ta haya tur e trainingnan cu nan mester haci cu e muchanan. Pa cu esaki e meta di AVB ta pa haci algo cu ta di termino largo, IBISA hopi biaha ta haci un actividad den un termino corto, pero AVB kier hacie un campeonato via di scol pa e muchanan.
Tambe a cuminsa cu e curso di refri, na Aruba tin solamente dos refri hende muhe y e meta ta pa trata pa tin mas refri hende muhe pa cuminsa cu e curso.
Recientemente Dyane Wiersma a keda apunta como coordinadoor di FIFA y a bay un curso den exterior na Miami unda cu e ta hopi interesante y a siña hopi y e parti cu mas a siña di dje ta cu FIFA ta exigi hopi, Aruba por haya hopi fondo , pero Aruba mester traha su rapportnan, haci evaluacion y tur cos cu keda gasta mester keda raporta. Tur esaki ta bay ta un parti di mi trabao cu mi ta bay eherce tambe aki na Aruba den nomber di FIFA, Asina sra Dyane Wiesrma a duna di conoce.
Ta spera cu lo por balansa e dos tareanan di coordinacion aki pa AVB aunke cu ainda no a cuminsa cu a parti di FIFA mirando cu ainda mester unlockt e parti di infrastructura unda cu AVB no a keda cla cu stadion y tanten cu esey no keda cla e berdad ta cu mi no por cuminsa cu e posicion di coordinacion di FIFA.
Aunke cu no ta cla ainda, AVB ta trahando riba e parti aki y ta spera cu por logre tambe. E FIFA Foward lo yuda AVB ricibi hopi mas fondo unda cu por haci hopi mas pa futbol trahando structuralmente. Loke ta un realidad ta cu FIFA no lo duna yudansa si no tin un meta pe y no tin un plan pe traha y esey ta un parti cu ta hopi bon.
