KRALENDIJK, Bonaire
Dutch Caribbean Nature Alliance ta concerni ku e falta di enfoke cual e ta ricibi encuanto conservacion di naturalesa y ariba cambio resistencia climatologico como parti di e
repons pa e crisis di Corona
The Dutch Caribbean Nature Alliance (DCNA) ta preocupa pa e apoyo cual e conservacion di naturalesa y e cambio climatologico ta ricibiendo como parti di e discusionnan dentro di Reino Hulandes encuanto e apoyo ariba e crisis di Corona na Aruba, Curaçao y St. Maarten. “Cuidadosamente nos ta siguiendo e discusionnan entre e gobiernonan den Reino encuanto e apoyo di likides pa Aruba, Curaçao y St. Maarten, y nos ta sumamente preocupa cu dentro di e discusionnan ey aparentemente ta existi un falta di consideracion pa medio ambiente, e conservacion di naturalesa y resistencia climatologico pa e islanan concerni”, ta comentario di Director Interino di DCNA Tadzio Bervoets.
E red di conservacion ta urgi Reino Hulades pa pone enfasis y prioridad ariba medio ambiente y resistencia climatoligico dentro di discusionnan encuanto apoyo di likides pa Curaçao, St. Maarten y Aruba. E red ta brinda apoyo na e organisacionan di “Protected Area Mangement” di tur seis isla di Caribe Hulades.
“DCNA a aloca financiamento adicional pa CARMABI Curaçao, Fundacion Parke Nacional di Aruba y the St. Maarten Nature Foundation, di forma cu esnan concerni por continua nan papel importante di maneho di medio ambiente di areanan proteha y eco-systema ariba e islanan. Sinembargo, esaki ta solamente suficiente pa provee apoyo operacional a corto plazo. E apoyo pa naturalesa, conservacion ambiental y resistencia cambio climatologico meste extende mas aleu ku solamente organisacionnan di maneho di parkenan. Esakinan mester forma parti di reforma structural ariba cada un di e tres islanan, segun cu nos ta adaptando na un realidad post pandemia,” Bervoets ta continua bisando.
Dentro di e discusionnan encuanto apoyo di likides, no tawatin ningun discusion o consideracion pa sostene o aplica reforma structural di polisanan di medio ambiente y clima ariba e tres islanan. Proteccion di areanan natural y eco-systemanan critico y otro habitat, ta crucial pa un desaroyo socio economico sostenibel di Aruba, Curaçao y St. Maarten. Especialmente, consdiderando e impacto economico severo cu e pandemia a laga atras ariba e comunidadnan cu tin e riesgo di mas halto pa cambio climatologico dentro di Reino Hulandes. Poniendo enfoke mas accentua pa percura sostenibilidad medioambiental y cambio resistencia climatologico, mester bira un componente critico pa asegura resiliencia economico pa Caribe Hulandes.
“Mester bini mas discusion enfoca ariba traha dentro di Reino pa desaoroya e instrumentonan necesario pa responde na e numeroso topiconan medioambiental cu Aruba, Curaçao y St. Maarten ta encontra como isla chickito den desaroyo na vispera di e crisis di cambio climatologico. Esaki mester encera e apoyo pa p.e. maneho di “sound wastewater”, o e desaroyo di strategianan cual lo asegura proteccion
di habitat critico pa mitiga e impacto di cambio climatologico. Alabes, mester tin mas consideracion pa apoyo di e economia circular, haciendo cu e islanan ta bira mas resiliente pa shock externo; cualnan ta inevitabel considerando cu e islanan ta un hotspot di cambio climatologico. E impacto negativo asocia cu e crisis climatologico tin e potencial di ta mas severo encuanto impacto ariba e islanan, aun mas cu e Corona virus a proba di ta. Como tal, conservacion di recurso natural mester ta central den discusionnan tocante reforma riba e islanan,” Bervoets ta conclui bisando.
Photo credit: Naturepics: Y.+T. Kühnast- alle rechten voorbehouden
