Y asina nos dushi bario di Dakota tur dia a tuma despedida di e curpa di Sr. Albert Etienne Lake, miho conoci como Ali ( RIP). Un Diabierna anochi na Centro di Bario Dakota completamente yen di famia, amigo, deportistanan, futbolistanan y conosirnan y Diasabra atardi na Misa Birgen di Fatima na Dakota.
Un rij atrobe hopi largo para wardando nan beurt pa drenta Misa pa expresa nan palabranan di condolencia na famianan di Ali. Un gran deportista, un gran baluarte. Un Dakotero di curason. Dakota ta conoci pa su dushi hendenan multicultural di tur parti di mundo.
Dakota ta manera un “Nacionnan Uni chikito” “United Nations”. Bibando cu otro den paz y trankilidad.
Cu amor y respet. Ki bunita tabata pa tende Erick “Ricky” Lake canta e cancion cu e ta gusta canta den Misa cu ta duna tur presente “Kippenvel” cu su bunita stem. Ki bunita e coro a canta, anto cu dushi musica di trompet toca pa Pastor Jairo.
Famia Lake ta grandi y bon conoci pa hopi rond di Aruba. Un dushi famia trankil y hopi inspira. Lady Ruth ta conoce nan tur, y esunnan cu mas e conoce ta Ruby, Ellen, Ricky, Glenroy , Osmar y Ali. Nan tur ta “streanan ilumina “ di nos dushi bario Dakota tur dia. Ta normal pa topa hopi amigo y amiganan na un entiero, ora bo ta biba uni den bo bario. Bo ta uni den e tristeza pa un rato na Misa y despues bo ta topa un rato pa reflexiona di bida durante “laba man” na Hong Dakota Take Away of na Town Dragon. Lady Ruth a bay hunto cu su tia Veneranda y su amiga Sonia na Town Dragon y a topa cu Gerda, Shirley, Netto, Kado y Edsel, djies pa menciona algun.
Nos por a combersa un rato y intercambia di idea cu Netto, encuanto con e prome dia di e “think commongood in your neighborhood “ a bay den nos bario Dakota tur dia. Tabata den oranan di merdia tempran ora nos a pasa un rato banda di Plaza John Wowo, mirando un grupo basta grandi di boluntarionan tumando nan break cu algo dushi di come y bebe, relaha un crenchi y of prepara pa sigui cu e bon trabao di boluntario pa piki sushi den varios di e cayanan di Dakota.
Y despues mas atardi nos a topa cu varios di nan tambe den Town Dragon tumando un cerbes bon friu pa baha e calor un crenchi, pasobra solo ta hopi cayente. Nan lema ta :” Together we rise, together we strife: Building common good in your neighborhood”. Ora nos a pasa banda di e tereno antes Bouwmaatschappij, tur e baki grandinan tabata rand rand di sushi, yen te bolter over.
Un di e boluntarionan e expresa na nos, cu, nan no ta contra ceramento di “dump”, pero mester pone bakinan grandi den e barionan pa comunidad por benta nan sushinan afro. Cu na cuminsamento lo tin hopi sushi, pero ora mayoria ta benta afo, e cantidad lo baha y ta ariba un nivel normal. E no ta zona malo noh ? Nos a pidi amiga Gerda yuda nos pone e placa den e “Music box” na Town Dragon y pone musica di Bob Marley, pasobra ta vallenato ta skeiro eyden. Un dushi ambiente cu bo amigo y amiganan di bo bario. Danki Veny y Sonia pa e compania y danki na nos bon amigo y bisiña cabayero Cado pa a manda nos treat di un chill bon friu varios biaha . Nos a bebe chill te cu nos no tawata por mas. Y tambe danki pa e treat di e dushi kroket y loempia. Nos ta manda palabranan di condolencia, consuelo y amor na famianan, amigonan y conosiernan di Ali Lake, specialmente na su bunita sra.esposa Editha, y na su yiunan Joally, Albert “Abi” y Brian y na e nietonan. Y nos ta manda palabranan di gradicimento na tur e boluntarionan cu a participa y yuda cu e limpieza den nos dushi bario di Dakota tur dia. Danki pa lesa nos relato cu atencion y danki pa e bon comentarionan ricibi pa cu e relato di siman pasa y pa cu e poema dedica na miembronan di prensa riba Dia di Prensa, cu tabata prome di September. Un bearhug pa bosonan tur !
1 comment
[…] Source link […]