Durante oranan di anochi no por usa fasilidatnan deportivo

Riba Konseho di WEB NV  no por hasi uso di fasilidatnan deportivo durante oranan di anochi.

Awe den oranan di mainta pa motibu di un kandela a surgi interupshon di koriente riba e ret di distribushon di koriente. Pa e motibu áki e kompania di WEB NV ta konsehá e departamento di Indebon pa no laga hasi uso di fasilidatnan deportivo den oranan di anochi. 

No por sende lus na e fasilidatnan deportivo áki, pa sobrá di siman, te na momento ku kosnan normalisá. 

Entrenamentu i enkuentro deportivo durante día por kontinuá te ora ku solo ta permití.

Lo sigui evaluá e situashon i otro siman djaluna 12 di yüni 2023 lo komuniká ku si e desishon aki lo keda na vigor òf ku lo anulá esaki.