Dosentenan por duna alumnonan lès digitalmente for di skol. Nan mester paga tinu pa den pousa tene nan mes bon na e reglanan di corona. Alumnonan di klasnan di eksámen por haña lès na skol ainda. Ta duna lès na skol pa muchanan vulnerabel òf yunan di mayornan ku funshon krítiko. Lèsnan di práktika por sigui na skol.
Skolnan ta responsabel pa organisá lèsnan di práktika i lèsnan digital pa alumnonan. Esaki ta konta tambe pa e lèsnan na kandidatonan di eksámen. Ya un tempu pasá, skolnan huntu ku e departamento di Salubridat Públiko a traha un plan tokante kiko hasi durante e krísis di corona. Ta importante ku skolnan ta tene nan mes estriktamente na e reglanan di corona. Skolnan mes lo komuniká ku mayornan tokante esaki.
Skolnan ta habri atrobe despues di fakansi di Pasku di Resurekshon. A disidí asina aki pa pèrkurá ku e pruebanan ku ta planeá e ora ei por sigui normalmente. I tambe pasobra e ambiente di skol ta importante pa desaroyo di mucha. Den un karta, gezaghèber Edison Rijna a informá kabesnan di skol tokante esaki.
1 comment