Dienst Uitvoering Onderwijs (DUO) ta bishitá Aruba, Kòrsou, Boneiru i Sint Maarten di 11
te ku 29 di novèmber. DUO lo start un kampaña pa mustra eks studiante ku kisas por baha
e montante ku nan ta pagando kada luna riba nan debe di estudio. Durante e bishita lo
habri ofisina di servisio temporal na tur e islanan, Tambe, DUO ta organisá enkuentro di
informashon tokante finansiamentu di estudio.
Un parti di e eks studiantenan ku ta pagando bèk un debe di estudio na DUO, ta pagando un
montante mensual mas haltu ku nesesario. E motibu pa esaki ta ku den kalkulashon di e
montante mensual ainda no a tene kuenta ku nan entrada. Hopi eks studiante no sa ku ta
nan mes mester pidi pa baha e montante mensual i duna nan datonan di entrada. P’esei, aña
pasá DUO a start un kampaña. E kampaña aki ya tabata hopi eksitoso. Pero pa sòru ku mas
tantu hende ainda ta na altura, awor DUO ta bolbe pidi atenshon pa esaki. Kordinadó di e
region di Karibe Monique Hoogerwerf ta splika: ‘Nos ta konsehá tur hende pa entregá
informashon di nan entrada. E montante mensual nobo por ta solamente mas abou i nunka
mas haltu.
Ofisinanan di servisio temporal
personanan ku pregunta tokante pago bèk di nan debe di estudio òf tokante finansiamentu
di estudio por akudí na e ofisina di servisio temporal sin traha sita. E personal ta pará kla pa
yuda yena formulario, òf por ehèmpel ora un hende no tin akseso na Mijn DUO mas. Tambe
ta posibel pa pidi pa baha e montante mensual mesora. Pa esaki, un deklarashon di entrada
di belastingdienst di 2022 i 2023 ta nesesario. Bishitantenan mester trese un tarheta di
identifikashon bálido.
Webinar pa esnan ku ta paga bèk
DUO ta ofresé un webinar pa eks studiante tambe. Fuera di informashon tokante hasi
petishon pa baha e montante mensual i entrega di informashon di entrada, esaki tambe lo
tine bentahanan di pago bèk na nivel lokal.
Enkuentro di informashon pa futuro studiante
Pa studiante ku ke bai studia na Hulanda, DUO ta organisá enkuentro di informashon. Aki e
studiante ta siña tur kos tokante finansiamentu di estudio i kiko nan mester regla pa un
komienso eksitoso di nan estudio. E aña aki, pa promé biaha DUO ta duna e informashon aki
huntu ku Samenwerkende Hogescholen (Skol superior Kolaboradó) na Aruba i Kòrsou na e
merkado di estudio i profeshon. Asina lo alkansá ainda mas studiante i mayor.
DUO ta bishitá region di Karibe Paga debe di estudio bèk? Redukshon di suma mensual hopi biaha ta posibel!
