Parlamentario Mervin Wyatt a reacciona riba e decision cu a ser tuma den Conseho di Minister di Reino pa loke ta trata e sosten di likides pa Aruba pa lunanan di oktober te cu december di 2021. Por a tuma nota cu Caft a yega na e conclusion cu Aruba no mester haya sosten di likides mas. Un di e motibonan ta e hecho cu Aruba no a corta suficiente den cuido, cual ta regarda un suma di 60 miyon florin.
Segin Mervin Wyatt-Ras e Ministro Presidente di pais Aruba mester cuminsa papia berdad. E ta ganja hopi. Paso ya na mei di anja 2020 el a bai di acuerdo cu e landspakket na momento cu el a firma e promer tranche di e ayudo di liquides di Hulanda. Aki el a hinca nos pais caba den un situacion caminda cu nos pais tin cu corta 60 miyon den cuido sin cu el a consulta cu niun hende na Aruba el a firma.
Ya tabatin recorte den djente di nos grandinan y esnan humilde, a rebaha e lista positivo di medicina pa despues trece cambio dor cu nos hendenan no por a paga, a corta den esnan ora viaha pa exterior pa malesa, alabes e gasto di un persona so ta ser cubri y a baha e suma. Tur esaki net awor den pandemia.
Gobierno di Aruba mes a laga traha e raport “Doorlichting kostenontwikkeling AZV: onderzoek naar de ontwikkeling van de toekomstige financiële situatie van de AZV en mogelijke risico’s. Pues a haci un investigacion na desaroyo di e situacion financiero den futuro posibel risiconan. Akiden ta papia di diferente medida manera “eigenbijdrage” y “eigenrisico”. A base di e raport aki a traha un ‘bezuinigingsplan”, esta un plan pa tuma medida.
Mientrastanto gobierno ta keda haci comosifuera ta Hulanda ta obliga Aruba tuma medida sinembargo esaki no ta e berdad. Den un carta di Secretario di Estado Knops na Tweede kamer e ta notifica cu e a base di e raport di AZV, CAft ta sugeri Aruba pa corta 60 miyon florin den cuido.
Den un carta dirigi na Stichting Respaldo pa e sector di cuido di Aruba, sr. Knops a contesta: “de wijze waarop Aruba de taakstelling invult is een lokale verantwoordelijkheid. De AZV heeft hiertoe een bezuinigingplan opgesteld. DE MINISTERRAAD van ARUBA heeft BESLOTEN dit bezuinigingsplan uit te voeren”. Knops ta contesta pues cu ta Conseho di Minister di Aruba a DICIDI di ehecuta e bezuinigingsplan cu AZV a traha.
Tambe durante un bishita di sr. Knops na Aruba na januari 2021 el a laga sa na e sector di cuido: “dat er geen noodzaak is om de afgesproken korting op de tranches uit Nederland perse via de zorg binnen te halen”. Pues el a laga sa cu no tin necesidad pa haci e recortennan palabra pa medio di cuido.
Awor ta ken ta papia berdad? Sr. Knops of Evelyn Wever-Croes?
Minister Presidente mester stop di ganja. Dor di su ganjamento e lo hinca Aruba mas den problema financiero. Paso awor e ta papia di bai fia placa riba mercado local, locual lo trece nos mas den problema financiero y social.
Ta bin aserca cu tin un carta di minister Dangui Oduber pa haci recorte den cuido di 40 miyon florin. Esaki mientras cu e ultimo Uitvoeringsrapportage di Gobierno na CAft y e Voortgangsrapport di AZV ta papia di recorte den cuido di 36 miyon florin.
Aki atrobe tin un discrepancia y enganjo. Ki ta e suma sea 60 miyon, 40 miyon of 36 miyon?
Tur esakinan ta conduci cu Hulanda no ta confia Aruba y esun cu a haci e eror mas grandi ta e Ministro Presidente dor di compromete nos na e 60 miyon florin di recorte.
Den palabracion cu Hulanda pa loke ta trata e landspakket lo sigui corta mas, p.e. den salario di ambtenaarnan tambe a ser menciona lo corta 20% y lo bai implementa e diferente medidanan e.o. riba tereno laboral, impuesto, y di personal.
Dor di malinformacion y e hecho cu e ministernan no ta secuur cu nan trabou nan ta hinca nos pueblo den problemanan mas serio finaciero, economico y social.
Dicon no ta corta den e cantidad di ministernan y baha nan na 7 of 6 pero si
a corta den salario di ambtenaarnan y cuidadanonan mester a perde nan
empleo? Dicon no ta corta den gastonan lucrativo operacional di gobierno,
manera den viahenan, autonan di luho, nombracion di cantidad di
coordinadornan “friends and family”? Ainda tin contractante ta ser poni trabou
continuamente. Dicon no ta corta den fiestanan di ministernan? Minister
Presidente y su Vice-Ministro Presidente mes no a sinta drechi pero a ya a
viaha pareu.
Ministro Presidente a anuncia caba cu si Hulanda no duna Aruba e sosten di liquides e lo bai fia placa riba mercado local, cu interesnan halto cu lo crea mas debe pa nos pueblo y lo hustifica pa gobierno tuma mas medida riba nos cuidadanonan cu ya no por mas. Nos hendenan ta sin entrada, sin forma pa pone pan riba
mesa di nan famia mester bai paga pa e mentiranan di un gobierno irresponsabel.
