COVID sigur un virus cu a bin haci un diferencia grandi den nos bida. Despues cu Aruba a haya diferente ola y a pasa door di esakinan a dicidi di habri completo pa asina economia di Aruba cuminsa drei manera debe ser. Sinembargo semper a haci apelacion pa mantene distancia y cada persona cuida nan mes. A bay contra di gobierno dor di e diferente medidanan cu a keda treci pa varios luna , sinembargo nos a sinja di esakinan ? comunidad di Aruba ta consiente cu e virus no a bay ainda? Ta consiente cu mester keda cuida? Mirando e fin di siman cu a pasa esaki ta mustra lo contrario. Awe por a mira dokter di pulmon sr.Selene Kock a expresa su mes y e preocupacion cu e tin riba henter e situacion. COVID 19 y su variantenan y esun mas peligroso na e momentonan aki cu ta DELTA no ta un wega , awor e comunidad mes ta consiente di e situacion y con fragil Aruba mes ta para ?
Aki por mira exprecion di Dr. Selene Kock cu ta indica y a expresa riba su facebook cu a consientisa Aruba , a pidi y a roga y awe tog Aruba ta den un situacion cu hospitaal ta completamente yen di casonan di COVID na Aruba.
Dr. Selene Kock
Pueblo di Aruba. Nos a roga, suplica pero nos mester constata awe cu ICU ta yen, B3 ta yen. Por tin mil y un cama bashi por pone tent pero no tin personal.
Hulanda,AMI, VWS, tur nurse y dokternan a bandona nos dushi isla. Dus 1. Ban tene distancia 1.5 m 2. Uza mond mas surgical atrobe y laba man y handsinitizer 3. Si bo tin cualkier sintoma tuma contacto cu bo dokter di cas y keda CAS, isola bo mes den bo kamer te ora bo test ta conoci. 4. Ora bo test positivo por favor keda bo cas y isola bo mes, no bay trip! Drumi riba bo barica, come saludabel y haci ehercicio.
Morto nan cu ta surgi e luna aki ta patient nan cu NO a vacuna, y hasta adulto nan full saludabel a fayece di COVID .
Tur rubiano cu keda admiti den HOH NO a vacuna. Pandemia di esnan NO VACUNA.
POR FAVOR si bo no a acudi pa bo vacuna haci esaki.
Pero AWO tin problema, dus porfavor cuida bo mes, bo famia, amistadnan y sernan keri.
