Anualmente Dr. Horacio E. Oduber Hospital Hospital ta hasi un analis di bishitantenan cu a acudi na Departamento di Emergencia durahnte e weekendnan di fiesta. Aunke e aña aki Aruba a celebra Pasco diferente e cantidad di pashent cu a acudi pa sea ricibi atencion medico na Departamento di Emergencia of dokter na warda eaña aki ta 284 hende. Na aña 2019 esaki tabata 332 y na 2018 tabata 287. Door di e atake cibernetico cu HOH a pasa aden fin di 2019 a perde un ke otro informacion di e añanan anterior y pues no tin mucho material mas cu por compara.
E analisis a cuminsa dia 24 y a termina dia 27 di december. Di e 284 persona un total di 135 persona a bay Departamento di Emergencia cual 57% ta femenino. E edad di mas chikito cu a atende ta 3 luna y e pashent di mas grandi tabatin 93 aña. Y alabes e grupo di edad cu mas a acudi Departamento di Emergencia ta e edad di 65 aña of mas.
Ta interesante tambe pa analisa e motibo di bishita durante e fin di siman di Pasco. Di e 135 pashentnan cu a acudi na Departamento di Emergencia 4 di nan tabata involucra den un accident di trafico, 3 persona den incidente di violencia y 34 persona cu otro tipo di trauma. Y e otro 94 pashentnan a yega pa motibonan cu no tin di haber cu traumanan fisico manera por ehempel un atake di curason, sacamento, un of otro infection, reaction alergico etc.
Di e 135 pashentnan cu a acudi na Departamento di Emergencia un total di 39 pashent a ser admiti den Hospital. E pashent di mas chikito admiti den Hospital tabatin un edad di 2 aña y e edad di mas halto admiti ta 92 aña. Alabes mester bisa tambe cu 59% di pashent admiti ta masculino.
Hospital sigur kier pidi tur hende pa bay poco poco e ultimo siman di 2020. E casonan a cuminsa subi y ta urgi tur hende pa mantene na reglanan di DVG di distanciamento social, evita aglomeracion y haci uzo bon uzo di mask den lugarnan publico.
