dr.Glenn Thode actualmente ta biba na Hulanda y ta Associate professor na Universidad di Gronningen y ta traha den departamento di Criminal law como Criminology , Strafrechten en Criminaliteit cu ta derecho rond di derecho criminal of penal y tambe Criminologia.
E aña aki dr. Glenn Thode tabata e keynote pa e aña academico di Universidad di Aruba unda cu a presenta un vision di futuro pa Universidad di Aruba y tambe a duna indicacion cu ta bon pa na momento cu tin un vision di futuro para un rato keto y wak bek tur e caminda nan cu a cana pa e futuro di Universidad di Aruba.
Segun dr. Glenn Thode si mester wak bon na Universidad di Aruba awor desde cu e la lanta na 1988 tabatin un aspiracion di e comunidad di Aruba como Arubiano pa e universidad ta un partner di nos comunidad pa yuda desaroya nos hende nan mes pa bira hende nan di bon conocemento cu profesionalismo y sabiduria. Sinembargo basa riba informacionnan cientifico semper Universidad a haci over di e condicion humano di Aruba, situacionnan fisico legal di Aruba pa structura e comunidad.
Den e añanan ey Universidad di Aruba a desaroya hopi for di un facultad di 11 studiante e prome aña, pa 5 aña largo un facultad so di derecho pa awor aki tin 4 facultad cu 13 programa cu ta duna bo un bachelor’s degree and a master’s degree y si mester analisa bon ta un 30 programa , 17 adicional cu no ta duna bo di biaha un degree pero tog ta yuda bo den bo desaroyo.
Si mester wak e den su totalidad Universidad ta na caminda pa ta e partner ey, pero ainda tin retonan su dilanti y retonan dilanti di e desaroyo di Aruba. Aki ta caminda cu dr. Glenn Thode a duna su aporte unda cu a trece 4 punto cu sigur lo sobresali pa cu e 25 añanan padilanti como Universidad di Aruba.
dr. Glenn Thode a conseha Universidad di Aruba con por ta e miho manera pa nan hunga nan rol unda cu Universidad di Aruba mester tuma su posicion como instituto di conocemento. Segun dr. Glenn Tode su vision ta pa aki 25 aña cada biaha cu bisa cu mester di algo di conocemento y check nos sabiduria y of kier busca un solucion pa un reto grandi cu nos tin, dimes automaticamente tur hende lo bisa nos ta bay na Universidad di Aruba y pidi nan esaki pa haci e trabou aki di investigacion paso na Universidad di Aruba tin un team di academico cu por yuda nos, sea cu nan tin e conocemento cla of cu nan sa con pa haci investigacion y por duna Aruba e conocemento unda cu por duna Aruba e analisis pa por tuma decision pa nos futuro.
dr.Glenn Tode ta kere cu Universidad di Aruba riba su mes a desaroya bon, principalmente si mester wak e ultimo desaroyonan cu tabatin riba “ Sustainable Island Solutions “ dus pa solucionnan pa un isla sostenibel. Door di basa bo mes den investigacion “data” cientifico di tecnologia, pero tambe di environment cu mester ta bon analisa.
E analisacion aki por hacie bon solamente si tin cooperacion cu otro internacionalmente manera Union Europeo cu por finansia, colaboracion cu gobierno di Aruba por yega na dje, Sinembargo loke cu falta den dje ta e reconocimento pafo den comunidad engeneral cu Aruba tin un universidad y e ta e luga pa bo bay y cu por tin confiansa completo unda cu lo haya informacion imparcial, obhetivo, valida unda cu e ciudadanonan por confia completamente riba dje. Segun dr. Glenn Thode si bo actua riba e conocemento eynan bo sa cu tin bon conocemento di causa y efecto den comunidad di Aruba. Esaki kiermen cu Universidad di Aruba sa kico ta e causa e problemanan cu tin y na mes momento sa tambe cu si actua di tal forma e ta bay tin un efecto den e direccion ey, pero si no ta desea e direccion ey e tin un efecto posibel den un otro direccion si bo actua diferente. Esaki ta significa cu e causa di e relacion di e causa y efecto ta algo cu Universidad di Aruba ta bon pa investiga mas y comparti e parti aki mas cu comunidad.
Ta kere cu Universidad di Aruba por hopi mas cu den pasado y ta mira cu a cuminsa tuma pasonan y ta spera cu por comparti mas cu e pueblo di Aruba via di nan website.
