Dos evento importante a tuma luga recientemente na Saba cu ta promove desaroyo di deporte. Na Johan Cruyff Court a cende e luznan pa prome biaha y na Juliana Sport Field, renoba, a inaugura cu torneo di netball y basketball.
Comisarionado Rolando Wilson, hunto cu Will Johnson y Dave Levenstone di Man-O-War Ground Foundation y coordinadornan di deporte Joelyn Robinson y Lauren Risley, a cende e luznan na Johan Cruyff Court. E tabata un momento special, no solamente pasobra awo por practica deporte den oranan di anochi, pero tambe pasobra a tarda un poco prome cu a drecha un di e mastnan di luz.
Ora cu a construi e cancha aki mas cu 10 aña pasa, no tabatin suficiente fondo pa e postenan di luz. Esaki a trece cu ne cu poco evento Deportivo por a tuma luga pa falta di iluminacion despues cu solo baha. Durante su bishita na Saba na 2018, Comisionado Wilson a hiba Secretario di Estado di Asuntonan Publico, Bienestar General y Deporte Paul Blokhuis na e cancha. “Mi a splik’e cu e cancha mester di lus pasobra tin hopi talent riba e isla. El a compronde e necesidad pa luz y nos a present’e un Proyecto.”
Cu ayudo di Secretario di Estado Blok y Fundacion Johan Cruyff, tambe un donacion di luznan LED door di Signify, ex Philips Lighting, e luznan a bira un realidad. Pero tabata falta e tubonan necesario. Nan ta mester ta duro pa ora di horcan, y pa logra esaki a tuma un poco di tempo. Tambe debi na e pandemia.
Juliana Sports Field ta existi desde inicio di añanan 1970, a wordo renoba ultimo añanan cu ayudo financiero di e agencia Antiyano Sede Antia y Reda Sosial. Departamento di Obranan Publico a duna e tereno un capa nobo di verf na December, y cu financiamento di Sports Prevention Accidente, Salud Publico y Deporte y BES4Kids, a cumpra e renchinan di e basketball. Dies ekipo a participa den e torneo organisa pa e reapertura.
