Dokter Michael Mercuur di Salubridat Públiko : Variante ómikròn a yega Boneiru

Djamars 28 di desèmber 2021 a konstatá e variante ómikròn di e vírùs di corona
na Boneiru.  Esei tèstnan di e último dos simannan a mustra. E departamento di Salubridat
Públiko a manda 60 muestra di tèst Aruba. Den 17 di 60 kaso ta bai pa e variante ómikròn.
Ta remarkabel ku di e 60 muestranan di e resultadonan di tèst di Boneiru, ya den mas ku un
kuart di e kasonan ta bai pa e variante ómikròn. Esaki ta kuadra tambe ku loke nos sa di e
variante akí. Esta ku e ta plama hopi rápido i fásil.
Den kaso di mayoria di hende na Boneiru ku a resultá di a kontagiá ku e variante ómikròn, ta
trata personanan ku probablemente a pega ku e vírùs den eksterior. Salubridat Públiko ta
kere ku e variante omikròn ta plama tambe bou di habitantenan di Boneiru. Ta asina ku na
Boneiru un par di habitante a kontagiá ku e variante ómikròn, miéntras nan no a biaha
resientemente.
Último dianan nos a mira ku e kantidat di kontagio tabata baha. Probablemente esei ta bini
pasobra poko hende a bai tèst.
Awor ku Pasku ta tras di lomba, i hopi hende a bini Boneiru, nos ta ferwagt ku den e dianan i
simannan benidero, e kantidat di kontagio ta bai subi atrobe. Spesialmente awor ku nos tin e
variante ómikròn na Boneiru. Nos ta ferwagt un subida rápido di kontagio.
Ta importante ku tur hende, personanan no bakuná í esnan bakuná, awor ta èkstra
kouteloso. Siudadanonan ku ta ful bakuná, i persona ku a pasa e angua di buster tambe por
kontagiá ku e variante. Un buster ta duna mihó protekshon.
Nos ta pidi tur hende pa tene nan mes na reglanan básiko. Tene 1,5 meter di distansia i tèst
ora bo tin keho.
Laba o mannan  regularmente, tosa i nister den èlebog, no duna man.  Evitá lugánan ku hopi
hende. Bisti un tapaboka na lugánan ku hopi hende. Òf ora bo ta sinta paden ku hopi hende.
Pèrkurá ku sufisiente airu ta pasa den espasionan na kas i na ofisina.
Bo tin keho, yama e ora ei e number grátis 0800 0800 i traha un sita pa tèst. Si bo tèst
positivo, tene bo mes e ora ei na e reglanan ku bo ta haña di e departamento di Salubridat
Públiko. Keda kas si bo tabatin kontakto ku un hende ku a kontagiá i yama 0800 0800.
Bo no a pasa e promé i di dos angua di corona ainda? Bo a pasa e dos anguanan di corona
sí, pero e angua di buster ainda nò? Yama e ora ei e number grátis 0800 0900 pa un sita pa
traha un sita pa pasa angua.