Ester vermeulen ta dokter di nutricion y salud na DVG y tabata invitado na dialogo publico riba e topico ‘Ban Papia di Obesidad y Sobre Peso’ di Universidad di Aruba. E dokter a duna un tremendo presentacion unda cu a mustra diferente problemanan cu tin di obesidad na Aruba.
E presentacion tabata mas tanto pa crea conocemento riba obesidad y sobre peso y dicon e no ta saludabel, pero tambe kico ta e consecuencianan y tambe con bo por reconoce cu bo ta obeso cu hopi biaha e persona no sa cu e ta obeso. Tur esakinan tin un consecuencia den bo body y den termino largo e ta trece problema pa bo salud.
Un persona obeso tin varios consecuencia pa su salud, porehempel por haya problema cu curason, diabetes, pero tambe por haya problema mental y ansiedad. Tambe un realidad cu hopi di nos muchanan cu ta biba na Aruba ta cu e mayornan kier pa nan yiu di baby ta gordo tutu, pero esaki ta trece consecuencia pa e mucha a largo plaso y pa resto di su bida e ta bay carga e consecuencianan di ta obeso durante di henter su bida.
E conseho semper ta keda pa come saludabel, haci deporte. Sinembargo loke cu ta un realidad ta cu e stress cu e serhumano ta biba den dje tambe ta hiba e persona pa obesidad. Tambe e persona cu ta traha henter dia y no ta duna su mes e espacio pa relaha y recharge tambe ta biba den stress y tambe ta conduci na obesidad. Ta hopi importante pa haci un deporte y drumi bon.
Un parti cu hopi di nos no sa ta pa scucha nos mes un curpa, e stoma ta conecta cu bo mente y hopi biaha aki ta caminda cu señalnan ta keda manda.
Segun dokter Esther vermeulen na momento cu nos come algo y nos bariga ta yen e stoma ta manda e mensahe na e mente cu bo ta yen, pero na momento cu e persona ta obeso e no ta haya e señal aki mas y ta keda come constantemente. Esaki ta e motibo dicon e personanan obeso ta keda come sin stop y nan no ta sinti nan mes yen.
