ORANJESTAD, Aruba
Durante e temponan dificil cu Aruba ta pasando aden nos por kita cu tin esnan cu asta den e momentonan dificil aki kier yuda esnan den nesesidad.
Un di e personanan aki ta Dokter di cas Dr. Aruna Tewarie Singh cu riba dia di awe hunto cu su clinica ta entrega 100 tas na Minister Glenbert Croes. 100 tas cu lo yuda 100 mucha durante e temponan dificil aki pa por bay scol y sigui cu nan estudio. Minister Glenbert Croes cu den e temponan aki hunto cu su ministerio y departamentonan a yuda hopi den nesesidad sigur ta sumamente agradecido pa e donacion aki y contribution pa por yuda nos muchanan den e tempo difil aki. Dokter di Cas Dr. Aruna Tewarie Singh cu no tin mucho tempo cu su praktika ta sumamente contento di por asisiti y por a duna un sonrisa na tur e muchanan cu pa motibo di e crisis actual no por a alcansa pa tin un tas di scol of cu no ni tin un pa bay scol cune. Como un Dokter di cas Dr. Aruna Tewarie Singh ta pone enfasis na salubridad y bienestar di nos famianan pero especialmente nos muchanan pa no solamente nan salud ta bon pero tambe nan felicidad y desaroyo social. Cu e gesto hunto cu Minister Glenbert Croes encarga cu asunto social ta spera di por motiva mas rolemodel den communidad pa yuda esnan den nesesidad y especialmente nos muchanan.
