Cas di cultura tin un actividad prome cu aña cera , dia 20 y 21 di December lo ta bay tin un bunita concierto di Bossa Nova cu lo tuma luga na Cas di Cultura. Actualmente cas di cultura tin un cultura musical y e Arubiano Aymar Torres cu ta cosechando hopi fama na Hulanda cu e estilo di Bossa Nova, Cas di cultura a dicidi di duna Aymar Torres e oportunidad pa hunto traha un produccion y asina conta e historia di Bossa Nova cu e ta pasiona pe.
Segun directora di Cas di Cultura Vicky Arends no ta desconoci cu ta mirando e trend di Bossa Nova ta mundialmente unda cu mayoria di e canticanan popular a wordo transforma den un version di Bossa Nova . Mesora cas di cultura a tuma e decision, kico mas miho pa cera e aña cu ne , un consierto di Bossa Nova .
Tin un ticket special di 20 florin pa 18 aña y mas jong mirando cu e concierto ta uno pa famia, na mes momento e ta bay ta uno informativo unda cu ta mustra e trayectorio di e storia di e musico aki . Pesey mes tin un prijs special pa hobennan, pero e prijs general ta 35 florin. Porta ta habri 7 or y consierto ta cuminsa 8 or di anochi.