Discusion pa BTW a cuminda 2018, pandemia a drenta 2019 tabatin inflacion drastico y no tabata responsabel pa introduci BTW pa Aruba

BBO na frontera tin algun dia caba cu a keda introduci, hopi ta e discusionnan cu tin riba BBO na frontera, pero na mes momento e no tabata un decision y cambionan facil, pesey mes departamento di Impuesto ta keda duna informacion constantemente riba e dudanan cu tin actualmente na comercio. Asina aki ta kita cualkier duda, miedo y cualkier reserva cu nan tin.

Segun director di departamento di impuesto DIMP Luenne Gomez Pieters e ley di cobransa di BBO na frontera a drenta na vigor prome di augustus, e la keda aproba door di parlamento den luna di juli prome cu reces unda cu gobernador tambe a firma e ley aki un paar di dia despues y a keda publica dia 11 di juli. E ley di BBO tin un cambio di diseño di cobransa di BBO. 

E sistema di cobransa di  BBO ta un belasting, por bisa un impuesto indirecto unda cu por conoce diferente tiponan di impuesto cu ta indirecto cu porehempel ta impuestonan cu ta wordo cobra riba nos entrada, porehempel inkomstenbelasting, grondbelsating of winstbelasting. Tambe nos conoce den nos leynan fiscal cu e sistemanan di cobransa di impuesto indirecto. 

E impuestonan indirecto ta impuestonan cu tin un efecto riba e prijsnan di producto, porehempel invoerecten. Na momento cu invoerechten subi of baha e lo tin su efecto den e producto debi cu e invoerechten ta un gasto adicional cu por bisa cu no por wordo kita for di e momento ey di e producto cu ta wordo importa

Segun director di departamento di impuesto DIMP Luenne Gomez Pieters un sistema di BBO cu accijns ta traha mes un cos. Un sistema di BBO tambe ta un cobransa di BBO indirecto y e ta un escogencia di cada Pais di kico ta loke ta scoge como sistema of diseño cu ta funciona den e escala di nan economia. BTW tambe ta un sistema di cobransa di impuesto indirecto. 

Tambe BTW tin varios sistema introduci caba na paisnan Europeo y un  Value-Added Tax (VAT) ta un sistema cu tambe ta conoci den varios Paisnan den Caribe. Sinembargo Aruba a kies na 2007 pa e modelo di BBO. E BBO no tabata algo nobo debi cu na St Maarten tambe ta conoce un sistema di BBO y e tempo ey gobierno a introduci e BBO, pero e unico min punto cu un BBO tin ta debi cu e ta acumulativo, pero esaki ta un punto cu gobiernonan den pasado a acepta durante aña. BBO ta un sistema hopi simpel debi cu ta na e volumen di benta ta calcula e porcentahe di e BBO.

Un BBO su porcentahe durante di aña no por bay subi hopi debi cu lo bay haya un acumulacion den cada transaccion di e peso di impuesto. Na e momentonan aki berdad a tuma nota cu e BBO a conoce diferente cambionan durante di aña unda cu a cuminsa cu 3% , despues a baha na 1.5% . despues a introduci e BAZV  na 2014 -1015, na aña 2018 a bin cu e BAVP unda cu combina  tabata 6 % te cu aña pasa, pero entrante prome di januari a subi e porcentahe di 6 % pa 7%. 

Segun  director di departamento di impuesto DIMP Luenne Gomez Pieters por bisa cu tin dos schakel cu ta acumula na un 14% y e parti aki mester tene cuenta cu ne of  miho dicho gobierno nan mester tene cuenta cu ne cu si ta bay uza e sistema di impuesto indirecto como driver di entradanan cu lo mester bay over na un otro sistema. 

Segun director di departamento di impuesto DIMP Luenne Gomez Pieters pesey mes a bin e discusion tambe  e tempo ey na 2018 cu IMF a recomenda pa Aruba cuminsa pensa y sondea posibilidad pa Aruba cuminsa introduci un BTW. Si esaki mester sosode Aruba lo mester cambia e diseño di impuesto indirecto cu tin actualmente cu ta un BBO pa un sistema di BTW. 

Den e parti aki tabatin diferente discusionnan cu a tuma luga cu gremionan, stakeholdersnan na 2021 na momento cu e landspakketennan a wordo firma cu a cuminsa combersa cu Hulanda pa asina prepara e leynan y asina na 2022 a cuminsa tene e seccionnan di informacion. 

Aruba a sali di e pandemia na 2021-2022 caminda tabatin un inflacion hopi halto unda cu tabatin scarsedad di producto caminda tabatin efecto di prijs na e momento ey tabata asina drastico cu no tabata responsabel pa bin cu un BTW pa Aruba. 

E berdad ta cu e BTW lo tabata un porcentahe hopi mas halto y ya caba Aruba tabata conoce un BBO di 6% e tempo ey , a papia di un BTW combina di 6 % of 14 %  y esaki tabata un risico y e miedo tabata cu e jump di 6% pa 14% ta mucho grandi y cu e prijsnan den supermercadonan y of comercio lo mester bay ahusta nan prijsnan asina drastico cu productonan ta bira impagabel. 

Esaki ta e motibo cu a para cu e introduccion di BTW, pero na final di dia gobierno tin un responsabilidad y  acuerdo cu Hulanda pa cumpli cu e landspakket unda cu mester cumpli cu e saneamento di e situacion financiero cu Aruba a haya su mes den dje y cu e mester wordo treci den balansa. 

Na momento cu Aruba a haya su mes den e situacion aki e pregunta a keda na halto kico lo pasa pa Aruba cumpli tog cu su debernan sin cu e BTW keda introduci pa e no cay duro pa pueblo di Aruba. 

Segun director di departamento di impuesto DIMP Luenne Gomez Pieters den e caso aki despues di varios deliberacion y reunion a dicidi cu lo ahusta e BBO cu 1% y a dicidi cu lo introduci e cobransa di BBO na frontera  cu ta un cobransa mes un cos cu ta invoerechten riba e mes un base, riba e aduana waarde. E comerciante y e individuo cu ta importa un producto lo bay paga invoerechten y BBO entrante prome di januari 2023 y e comerciante cu ta trece productonan comercial aden cu ta bende den nan negoshi tin e derecho pa deduci e impuesto cu nan a paga na frontera. E decision aki a keda tuma pa no a pone ni comerciante y tampoco ningun persona na Aruba den un situacion dificil economicamente y tampoco impagabel. Sinembargo asina mes discusionnan a cuminsa riba e parti aki di kico y con lo mester ehecuta.     

Click aki bao like y share