Direktorado di Komunidat i Kuido den koperashon ku Plenchi di Trabou a ofresé un treinen na 6 dunadó di trabou.
Ta trata aki di dunadónan di trabou ku den koperashon ku Direktorado di Komunidat i Kuido i Plenchi di Trabou ta duna un aporte na krea un merkado laboral inklusivo. E dunadónan di trabou aki den nan organisashon a krea lugá pa personanan ku un limitashon i/òf personanan ku un pasado hudisial.
Aishel Granviel di Moving Forward den koperashon ku Mental Health Caribbean i Stichting Reclassering Caribisch Nederland a ofresé e treinen aki. Meta di e treinen tabata pa sostené dunadónan di trabou i ofresé nan puntonan di referensia pa un koperashon duradero ku e grupo di enfoke.
E organisashonnan ku a partisipá na e treinen aki ta:
- Selibon
- Punta Blanku Farms
- Bonaire Mobile Carwash & All around Cleaner
- Buddy Dive Resort
- Tammy Tailor Nails Bonaire
- BCN General Contractors
Banda di e organisashonnan menshoná aki riba e unidat di labor di Direktorado di Komunidat i Kuido tin mas partner ku ta koperá, pero ku lamentablemente no por tabata presente. E Unidat, na nòmber di Plenchi di Trabou tambe, ta gradisí tantu e organisashonnan ku tabata presente komo e organisashonnan ku no por tabata presente pa nan koperashon durante e aña tras di lomba.
