Direktiva di A.B.V.O. a negosha CAO y a keda aproba unanimamente

Direktiva di ‘Algemene Bond Van Overheids- En OverigePersoneel’ (A.B.V.O.) dia 23 di juni ultimo a duna presentashon di negosashon CAO-OLB na ambtenar nan. E CAO a keda presenta dor di Nacho Ignacio i Robert Sances, unanimamente e CAO a keda aproba. Miembro nan ku ta ambtenar na OLB a partisipa na e atardi di informashon masalmente.

Tambe a hiba palabra Junny Gill ku ta den e komishon di elekshon pa A.B.V.O. A informá miembro nan ku tabata presente over di votashon i a invita nan pa hasi uso di nan derecho di voto.

A.B.V.O Bonaire ta sigi traha riba su plan nan pa su miembro nan di Bonaire engeneral i tambe huntu ku esnan di Curacao. Kuminsando ku e sistema di traha grupo nan di servisio (dienst groepen) pa kada unidad di trabou. Ku e grupo di servisio aki A.B.V.O lo ta mas serka di miembro nan. A.B.V.O kier a hasi un yamada na tur miembro pa duna nan nomber i kompania of nan sector di trabou pa forma e grupo di servisio.

Si abo ta interesa pa forma parti na e grupo di servisio tuma kontakto ku Joanny Trinidad na email sindikatoabvo.bonaire@gmail.com . A.B.V.O a kaba di lansa su facebook ku ta hiba e nomber di ABVO Bonaire riba e ret social media, na unda  lo pone tur informashon, evento i partisipashon nan ku A.B.V.O lo tin pa su miembro nan.

ABVO lo sigi amplia su plan nan pa su miembro nan kada aña. Sperando ku su miembro nan lo sigi krese huntu ku nan Sindikato.Ban forma nos mes pa nos por forma otro.