Director di Museo Arqueologico Nacional Aruba Pancho Werleman: Un museo ta den servicio di comunidad y MANA ta habri tur porta pa comunidad por drenta y hunto cu nos bishitantenan

Director di Museo Arqueologico Nacional Aruba Pancho Werleman ta sumamente contento y ta orguyoso cu ta para den “ Hardin di mi wela “ un hardin cu a keda bendiciona cu un palabra asina poderoso, un di e baluartenan di cultura di Aruba pa nos conoce nos mes den cada aspecto di e compleho di Museo Arqueologico Nacional Aruba. 

Director di Museo Arqueologico Nacional Aruba na momento cu e la hiba palabra e conta un poco di kico realmente ta guia e trabao di henter e team cu ta traha na Museo Arqueologico Nacional Aruba. Segun Pancho Werleman e definicion nobo di museo  International Council of Museums (ICOM) a aproba na augustus 2022 ta hopi importante.

Un museo ta un instituto sin meta di ganashi, esey no kiermen cu e no tin mag di haci ganashi, pero e no tin e meta pa haci ganashi. Un museo ta den servicio di comunidad y pa Museo Arqueologico Nacional Aruba a habri tur porta cu ta posibel pa comunidad por drenta y hunto cu comunidad 70 % di di nos bishitantenan den tur e añanan ta turista. Segun Director di Museo Arqueologico Nacional Aruba Pancho Werleman esey ta sumamente importante. 

E museo mes tambe ta cumpli cu e meta pa investiga, conecta, conserva, interpreta y presenta herencia tangibel y intangibe. E galeria di arte moderno Aruba tambe lo haci presentacion di e herencia tangibel y intangibel. Un museo ta habri y accesibel y inclusivo. Den e diseño di e edificio di Museo Arqueologico Nacional Aruba ya caba a tene cuenta caba cu a accesibilidad pa personanan cu tin cierto incapacidad of limitacion, pero ainda falta mas pa nos haci si. 

Museonan ta promove diversidad esey kiermen cu tin mas cu un storia di conta di Aruba, porehempel unabes cu e documentarionan cultural keda cla lo haya sa mas di e famia Ecury pero specificamente e posicion di hende muhe den historia di e famia. 

Museonan ta funciona y comunica eticamente, esey ta hopi importante, debi cu etica ta significa tambe cu ta tene cuenta cu a publico pa kende ta comunica, pero tambe mester respeta codigonan di bon conducta. 

Museonan ta comunica profesionalmente abase di e investigacion cientifico, pero na mes momento ta habri porta pa participacion pa comunidad pero loke cu ta mas importante ta cu e museo ta ofrece experiencianan varia pa educacion, placer, reflexion y ta comparti conocemento. 

Segun director di Museo Arqueologico Nacional Aruba Pancho Werleman tur e elementonan cu a caba di menciona ta di e division di International Council of Museums (ICOM) cu ta e division nobo y como museo ta para pa esey.   

Museo Arqueologico Nacional Aruba ta sumamente agradecido.Na papiamento tin un dicho ta bisa “ cada dede na bon man no ta igual” pero bo mester di cada uno pa bo traha. Den e proyecto aki cu TPEF a financia e lo no tabata posibel sin yudansa di nos bisiñanan cu ta oficina di monumento, sin e disponibilidad di TPEF pa ta habri y sin e aprobacion di minister di turismo. Director di Museo Arqueologico Nacional Aruba ta gradici tur hende y Aruba por ta sigur cu e ta bay bira un proyecto masha bunita y ta sigur pa nos tur , pa nos mes , pa Aruba y pa nos bishitantenan