Diabierna ultimo director di Inspectie di Enseñansa di Hulanda sr. Erik Martijnse a reuni cu Minister Endy Croes. Durante henter siman tras di lomba Inpsectie di Hulanda tabata na Aruba cu 5 inspector. Entre nan; directeur Inspectie, sr. Erik Martijnse, sra. Laurence de Croes Inspecteur Special Onderwijs, sra. Marlot Zeldenrust Financieel Inspecteur Onderwijs, sra. Arne Leer Onderzoeker bij de Inspectie Nederland y sr. Martine Pol Inspecteur Hoge Onderwijs. Varios reunion a tuma luga riba e adelanto di e ‘aanbevelingen’ di e ‘Doorlichting van het Arubaanse Onderwijsbestel’,esta e Tussenrapportage. Na salida di e reunion cu e mandatario di enseñansa sr. Martijnse a remarca cu ta trahando den un bon esfera cu Inspectie di Aruba. E Tussenrapportage di e Doorlichting cu a tuma luga a keda publica cu 13 recomendacionnan con pa mehora enseñansa na Aruba. E meta di e bishita na Aruba ta pa finalisa tur punto pa trece e Rapport pa Aruba. Durante nan estadia laboral nan a reuni cu diferente stakeholders entre otro ambtenaar, ‘schoolleiders’ y profesionalnan den e veld di enseñansa. Sr. Martijnse a enfatisa cu sigur e tabata un siman di hopi trabou pero alabes hopi fructifero.
Sr. Martijnse a sigui bisa cu Minister Endy Croes ta hopi involvi cu e trabou riba e aanbevelingen di e Tussenrapportage . Semper ora Inspectie di Hulanda tey e mandatario di Enseñansa ta pasa pa saluda y informa su mes riba e ultimo desaroyonan como tambe reuni cu nan pa keda na altura di tur desaroyo.
Riba diferente di e recomendacionnan di e ‘Tussenrapportage’ Minister Endy Croes ta trahando caba pa implementa esakinan. Recomendacionnan 1,2,9,10,11,12,13 ta entre esnan cu tin pleno atencion caba. E mandatario ta haya e rapport hopi importante y interesante e.o. mehoracion di e “bekostiging” y mehoracion di ‘aansluiting’ di enseñansa na e mercado laboral. Tur e puntonan importante den e rapport Minister Endy Croes a tuma nota di nan y ta trahando caba riba esakinan cu diferente expertonan pa trece mehoracion den enseñansa. Esaki sigur Inspectie di Hulanda ta aprecia masha masha hopi mes segun Erik Martijnse. Sr. Martijnse a sigui bisa cu Hulanda ta dispuesto pa brinda Aruba e sosten. Entre e Inspectie di Aruba, Curaçao, Sint Maarten y Hulanda tin un ‘gezamelijke cultuur’ “CAST” unda ta sostene y yuda otro. E ‘samenwerking’ cu coleganan di Aruba ta hopi bon, e esfera ta hopi bon.
