Loke cu comerciantenan ta haci un preocupacion unda cu no mester tin un preocupacion ta e handelsgoederen. Segun director di DIMP Luenne Pieters handelsgoederen ta e productonan cu netamente productonan cu por wordo rebendi. Porehempel un negoshante cu tin un luga cu ta bende paña cu sapato y ta desea di cumpra un airco, pero ta cumpra esaki afo y no na un negoshi local, na momento cu trece e airco e ta un producto cu ta wordo importa y ta paga invoerrechten y ta paga BBO na frontera.
Esaki ta pone cu automaticamente e airco no por bay wordo kita for di e volumen di benta paso no a bende e airco, e airco ta pa propio uzo di e negoshi. Segun director di DIMP Luenne Pieters kico si por logra cu un sistema fiscal cu ta bezig cu ne cu ta bay wordo cambia, ta cu no tin un motibo fiscal pa cumpra e airco afo.
Si mester cumpra e airco na un negoshi local of cumpra e airco online ta e mes un 7 % ta paga na e negoshi local of ta paga e 7% na momento cu ta importa e airco. E unico diferencia of e prikel cu ta bay tin pa cumpra un producto na companianan local of online ta e prijs.
E prijs ta bay ta e motibo comercial pa e cumprado dicidi si lo cumpra e producto na Aruba mes cerca un compania local of ta cumpra online paso e ta haya un miho prijs. Pa ta mas specifico y unico motibo pa cumpra un producto local of online ta e prijs cu e comerciantenan ta brinda, tampoco e prijs ta wordo induci door di e peso di impuesto of di e impuesto cu ta scapa door di cumpre online. Naturalmente esaki ta conta pa productonan cu ta wordo rebendi.
Segun director di DIMP si tin un negoshi y e comerciante ta cumpra algo pa su negoshi sea ta un mesa, un stoel kico cu e negoshi tin mester y e negoshi no ta bende esaki , naturalmente no por bay kita e BBO di e volumen di benta pa ta specifico BBO cu BBO no por bay kita for di otro, pero si ta keda normalmente cu e sistema di BBO ta existi caba cu e stoel , e mesa of e bankstel pa e negoshi su gastonan ta deducibel como gasto di negoshi.
Segun Director di DIMP si e negoshi ta den un forma di NV of un VBA e gastonan di negoshi por deduci nan for di e winstbelasting, esaki ta keda igual y no ta asina cu no tin deduccion mes , pero si e ta keda parti di gasto di e negoshi cu ta aftrekbaar.
Tambe ta ser bisa cu e comerciantenan chikito (KOR )no tin derecho pa reduci e belasting cu a wordo paga na frontera, pero realmente e comerciantenan chikito no ta paga BBO riba nan volumen di benta. Esaki ta pone cu e negoshinan chikito KOR , e BBO cu nan ta cobra e cliente ta bay den e negoshante su saco final di luna, esey ta pone cu no tin nada pa deduci na dje. Segun director di DIMP tin un voordeel na momento cu no tin handelsgoederen y bo bende e producto despues bo no ta declara e auto cu bo a bende pa 30 mil florin of 20 mil florin den inkomstenbelasting , esey ta bay pa e persona mes. Loke cu mester ta hopi cla ta cu si ta productonan di e negoshi cu ta keda bendi den e negoshi sea ta sapato, boeki , productonan di supermercado, productonan di cas cu ta combina cu productonan di consumo y tambe di cas tur producto cu por wordo rebendi ta drenta na frontera unda cu ta paga su invoerechten y ta paga su BBO na frontera e ta bay den e negoshi y loke cu keda bende den e negoshi den full e benta di e luna, 100% di loke a paga na entrada, dus e BBO di frontera ta wordo deduci door di e volumen di benta.
Segun Director di DIMP Luenne Pieters no tin un motibo fiscal pa prijsnan di producto cu ta wordo rebendi subi paso e placa ta in y out. E unico diferencia ta cu e sistema di BBO actualmente ta solamente ora cu ta bende e producto ta paga BBO, pero awo ta paga esaki den dos pida cu ta un parti na e frontera y e otro parti na momento cu ta haci declaracion.
1 comment
[…] Source link […]