Introduccion di BBO na frontera specificamente tin como meta pa proteha e Mercado laboral y pa reduci efectonan desfaborabel di economia informal, manera falta di incumplimento di pago di BBO, BAVP,BAZV y evacion fiscal.
E cobransa di BBO na frontera ta bay man den man cu e derecho di recuperacion di e mes un BBO,BAZV y BAVP cu ta wordo paga na momento di importacion di mercancianan comercial. Segun Directora di DIMP Luenne Pieters BBO na frontera lo no causa costo adicional pa supermercadonan porehempel , cu ta bende productonan di consumo, pero ta paga e BBO na frontera y por reduci of deduci e mes un impuesto paga na frontera for di e volumen di benta.
Otro productonan porehempel di industria di benta di paña ta conta igual, articulonan di cas ta conta igual, construccion, herment , palo , piedra, cement tur ta carga e mes un sistematico di reduccion di e peso di impuesto cu ta wordo cobra na frontera. E BBO,BAZV y BAVP lo ta un pago adelanta compara cu e situacion actual caminda cobransa di BBO ta sosode te na final na momento cu e comerciante ta bay declara y entrega su formulario di declaracion di BBO.
E pago di BBO,BAZV y BAVP na frontera conoce un derecho di deduccion pa tur producto comercial cu ta destina pa keda rebendi. E derecho di deduccion ta conta solamente pa empresarionan registra na DIMP cu ta paga BBO,BAZV y BAVP, consecuentemente aki DIMP ta atende cu e parti di incumplimento cu comerciantenan cu no ta declara BBO of no ta registra y si mester paga e BBO na frontera. E unico manera cu por deduci esaki di e volumen di benta y e BBO cu nan mester paga di e volumen di benta ta solamente si nan ta registra na departamento di impuesto DIMP .
Director di departamento di impuesto Luenne Pieters a duna un ehempel practico, si tin un comerciante cu ta bay importa productonan comercial den luna di augustus porehempel na un balor di 10 mil florin e ora e BBO na frontera lo ta 700 florin cu ta e 7% di 10 mil florin ta e prome stap caminda cu e impuesto ta wordo cobra.
Despues e mes un comerciante aki ta bende productonan den su negoshi, no necesariamente e mester bende e producto specifico cu e la importa na momento cu e la paga BBO na frontera, DIMP no ta bay sigui e producto specifico, pero tur producto cu e keda paga kita di e volumen total di benta. Segun director di DIMP si un comerciante tin un negoshi cu ta bende productonan di cas porehempel , lampi,stoel, mesa , verf , palo ect ect unda cu e comerciante ta importa un cargamento di palo pero ta bende stoelnan di campamento di e mes un volumen di benta ey loke cu e comerciante a paga pa importacion di palo por wordo deduci mesora riba e mes un luna.
Den e ehempel aki e volumen di benta den luna di augustus ta 20 mil florin e BBO na frontera cu mester keda paga na departamento di impuesto den e caso aki ta 700 tambe , dicon? Paso e ta 7% di e volumen di benta di 20 mil florin cu ta 1400 florin kitando e 700 florin cu a wordo paga caba na frontera pa importacion na momento cu a importa e productonan. Segun director di DIMP e BBO total lo ta 1400 florin y e suma aki lo ta igual si no tabatin un cobransa di BBO na frontera. Si no ta cobra BBO na frontera y e volumen di benta a keda 20 mil florin e luna eynan ta e mes un 1400 florin lo mester paga na impuesto cu ta igual cu si no tabatin un cobransa di BBO na frontera.
Loke cu ta hopi importante pa comunidad di Aruba y principalmente tur comerciante sa, cu BBO na frontera no ta un cobransa adicional y e no ta un cobransa cu ta subi e peso di impuesto di 7% na 14% porehempel, pero e ta e mes un 7% cu ta wordo cobra solamente den dos pida cu ta e prome parti na frontera y e di dos parti ora ta entrega e formulario di BBO na departamento di impuesto mirando loke cu a paga na frontera caba tin un deduccion di e peso di impuesto completamente.
1 comment
[…] Source link […]