Mundo crucero porfin ta recuperando na e momentonan aki den e nivel cu Aruba tabata den 2019 Director di Aruba Ports Authority Marc Figaroa ta duna di conoce cu no ta un secreto cu e pandemia a afecta APA drasticamente, a dura 16 luna prome cu APA por a mira un barco cu turista atrobe riba nos waf na playa.
Sinembargo despues di un comienso turbulento na 2022 debi na OMICRON Aruba a perde e prome parti di hight season na 2022. Despues Aruba a drenta den e temporada keto di aña y ta apenas na october, november a drenta e hight season pa e temporada di 2022 -2023 cu ta un temporada hopi satisfactorio, unda cu e grado di ocupacion abordo di e barconan a subi, segun director di APA Marc Figaroa.
Si mester mira e prome kwartaal di 2022 por bisa cu tin mas barco y mas pasahero cu 2019, pero na e momentonan aki lo bay drenta den e temporada abao unda cu e impacto por ehempel Pulmantour no ta operando mas debi cu nan a bay bancarota debi na e pandemia. Mester bisa si cu Pulmantour tabata bin Aruba tur siman y esaki tabata un parti cu Aruba a perde cu na e momentonan aki ta sinti e impacto aki.
E aña aki den 2023 ta prome biaha cu tur destinacion rond mundo ta habri y tambe tin e companianan cu a deshaci di varios barco, principalmente e barconan bieu ineficiente cu nan a scrap nan afo y tin menos barconan cu ta operando. Tur e puntonan aki ta pone cu ta sinti e impacto di low season cu tin menos barco cu normal.
Tambe tin e impacto cu mama tera no ta traha na fabor di e mundo crucero. Den e mundo crucero tin hopi cambionan cu mester a tuma luga pa proteha e naturalesa. Den e mundo crucero Alaska ta e ruta cu ta mas gusta y ta hopi dificil pa cualkier destinacion competi cu ne. E clima cu na e momentonan aki cu ta un poco mas calor ta haya cu e barconan ta habri e temporada un poco mas trempan y caba e temporada di Alaska un poco mas largo. Normalmente ta habri den mei , pero ya caba nan ta habri pa fin di april unda cu e barconan ta cuminsa muda.
Banda di tur e turbulencianan aki director di APA ta kere cu e hight season na caminda ta bay ta uno fuerte atrobe y pa despues di october lo bay mira e cantidad di barconan cu ta bay subi. Na e momentonan aki Aruba ta bayendo na 5 pa 8 barco pa luna mas of menos, pero despues di esaki e lo subi na 37 pa 50 barco cu lo yega Aruba pa luna atrobe.
E impacto di low season y hight season ta hopi grandi y ta sinti esaki tambe den e infrastructura. Dia 30 di mei ultimo Aruba tabatin tres barco unda cu tabatin mas cu 11600 pasahero cu a cana na Aruba y esaki lo bolbe sinti e impacto aki den november/ december nos dilanti.
1 comment
[…] Source link […]