E interes pa Aruba ta keda grandi, tin diferente reunionnan cu ta tuma luga den e mundo crucero y tin hopi interes den e liñanan halto manera Explora Journeys, Ritsz Carlton, Star Legend y Richen of the Seas cu tin interes grandi pa Aruba.
Pa cu e liñanan aki tin diferente combersacionnan andando, nan ta biniendo Aruba caba , pero ta desea pa nan por bin Aruba mas biaha den futuro. Den luna di juni Carnival Mardi Gras lo ta na Aruba cu ta e di dos barco LNG cu ta bishitando Aruba pronto. Carnival Celebration ta e prome barco di LNG cu a bishita Aruba. Esaki sigur ta importante pa APA unda cu Aruba ta enfoca riba e aspecto di sostenibelidad y APA sigur ta sostene esaki tambe.
Tin diferente combersacionnan andando pa diferente opcionnan riba mesa pa por atrae mas trafico den e temporada di low season. Segun director di APA probablemente den 2025 lo mira e fruto di e cambionan pa cu den low season. Tin diferente combersacionnan cu diferente linjanan curcero pa mira oportunidadnan , pero tambe pa traha hunto cu nos islanan ruman Boneiro, Curacao, Cartagena y Panama pa asina evalua kico por haci entre e islanan mes y ta evaluando varios esenarionan pa wak kico ta e miho escogencianan pero e parthnership entre e islanan ta sumamente importante.
Puerto Rico ta keda un rol hopi grandi pa Aruba debi cu si ta sali for di Puerto Rico ta mas facil pa por tin un yamada den siman di un barco crucero. Segun director di APA Marc Figaroa na e momentonan aki e barconan ta saliendo di Miami, Fort Lauderdale of Port Canaveral y esey ta haci cu mester ta riba un 8 pa 10 dia cla pa por bishita Aruba esaki ta impacta un yamada semanal. Tin diferente combersacionnan andando cu Puerto Rico pa asina mira kico ta nan plannan pa asina mira si Aruba por logra un homeport via Puerto Rico esey tambe lo yuda un parti pa e temporada abao.
1 comment
[…] Source link […]