BBO na frontera a trece hopi pregunta hopi ta keda focus riba e comerciante, pero e personanan individual tambe tin cu bay atende cu e BBO na frontera. Un di e aspectonan cu ta keda hopi treci padilanti ta na momento cu un persona lo ta desea di manda un piesa afo bay drecha bin bek. Director di Aduana Roderick Croes ta duna di conoce cu tur loke cu ta sali for di Aruba ta keda yama tijdelijkuitvoer y mester yena un documento na aduana y e producto por sali y na momento cu e bin bek e no mester paga invoerecht y esaki ta pone cu e no lo paga BBO tampoco.
E momento cu invoerechten mester wordo paga e ora ey si lo mester paga BBO. Si porehempel un piesa di un auto keda manda afo pa e wordo drecha na momento cu e bin bek e ta haci un identitijdvaststelling y ta mira e suma cu e la wordo cumpra unda ta haya sa kico ta e balor. Na momento cu un piesa di auto sali for di Aruba y bay drecha y nan haci un trabao riba dje e ta bay tin un toegevoegdewaarde cual lo cobra invoerechten riba dje y di e mes un balor eynan lo cobra BBO riba dje. Segun director di Aduana Roderick Croes tur locual cu tin e reglanan stipula den nos landverordering in, uit en doorvoer ta aplicabel tambe pa BBO.
Pa loke ta trata e porcentahe di autonan tin diferente. Segun director di Aduana Roderick Croes e autonan cu ta di gasolin y di coriente, esun di coriente ta keda e mes un tarifa y solamente e autonan cu tabatin 30,40 y 50% a baha na 32 % , esaki ta significa cu e autonan cu ta di gasolin cu tabatin e tarifanan di 30,40 y 50% nan a baha y e otronan a keda mes un cos debi cu nan ta hinca den un maneho cu ta trata tur cos di energia alternativo y auto cu ta core riba energia solar of coriente tambe ta un di nan lo no paga e 32% pero e tarifa cu e ta actualmente 12%.
1 comment
[…] Source link […]