Dia prome di september ultimo directiva di Corte Comun di Husticia a tuma despedida di Franklin Hanze, kende cu recientemente tabata miembro di Beheerraad como representante di Corsou.
Sr. Hanze tabata miembro di Beheerraad for di prome di januari, 2017 te cu prome di januari, 2022 y a duna un contribucion importante den entre otro e dossier riba sede di Hof. Asina el a facilita e mudansa pa Cas di Corte y activacion di e discusionnan cu pais Corsou riba renobacion di Stadhuis.
Tambe el a duna un contribucion importante pa logra e aspectonan financiero entre pais y Hof.
Actualmente ta en espera di un decision definitivo riba su sucesor, p’asina pais Corsou por tin su representacion atrobe en Beheerraad.
Directiva ta masha gradici na sr. Hanze pa su contribucion como miembro di Beheerraad y ta desea su persona tur cos bon den futuro.
