Dia 4 di mei 2022 a cuminsa oficialmente cu e trabounan na e parcela cu ta propiedad di Fundacion Refugio Social. Cu esaki a dal un stap grandi pa asina nos por yega na realisacion di fase 1 di nos projecto di renobacion y construccion.Pa e proximo lunanan lo eherce e trabounan corespondiente. Pa december 2022 ta spera di ricibi e yabinan pa asina finalisa fase 1.
Na mesun momento ta bay cuminsa traha pa logra e fondonan necesario pa asina hasi fase 2 y 3.
Si tin instancia cu kier aporta por comunica cu nos fundacion libremente.
Den luna di juli lo start e proceso pa ricibi sponsor/donacion pa e mubilario cu lo tin mester pa dicho facilidad.
Fundacion Refugio Social ta gradici BZK pa e aporte financiero, na VNO pa e sosten pa interveni cu BZK y un danki grandi na CEDE Aruba cu tin e coordinacion completo di e parti financiero pa cu e projecto aki. UN DANKI na tur cu a kere den e projecto aki cu awe a cuminsa cu su ehecucion.
Directiva completo di Fundacion Refugio Social ta trahando duro pa cu realisacion di e projecto aki pa mas cu 2 aña caba.
Lo sigui informa di e desaroyo pa medio di nos pagina di facebook.
