ORANJESTAD, Aruba
Recientemente Minister Chris Romero tabata di bishita na e localidad nobo di dos di su departamentonan. Ta trata aki di DSA (Directie Scheepvaart Aruba) y DTP (Departamento di Transporte Publico), cu ta departamentonan cu pa hopi tempo mester a haya un localidad nobo y mas amplio pa por efectua nan trabounan optimalmente.
Minister Romero a haya un guia y splicacion completo di con e oficinanan ta ubica y a keda hopi satisfecho di mira e avance di e departamentonan aki, unda cu tambe a mira un mihor ambiente di trabou entre e coleganan.
